春水堂人文茶館 (創紀之城五期(apm))

營業中

休息中

成日見到觀塘春水堂要排隊等位，令人卻步。呢排因為疫情少咗人幫襯，決定支持下！🍜招牌照燒牛肉湯麵岩岩上枱已經聞到好香的牛肉味，幼面好彈牙，再加上牛展極度霖身香口，好食。🍱鹽酥雞翼魯肉便當魯肉同鹽酥雞翼都好正宗，蔬菜雖然係水煮，但係配返d煎炸野覺得成件事好balance, 健康返曬。🧆招牌滷味豆干米血糕覺得個醬底似沙茶醬多過滷味，食完同朋友都覺得米血糕同個醬唔係特別match，一般。🥤紅豆鮮奶茶見個Menu寫住「特別推介」所以叫黎試下，已經叫左微糖少冰，但係出到黎都係好甜（可能因為有個紅豆沙底），而且飲完d冰去到個杯一半。個人覺得有少少似奶茶版嘅茶餐廳紅豆沙，一般。總括嚟講主食都好正，小食同飲品就一般，下試再試下個招牌珍珠奶茶啦，見多人叫，應該會唔錯既。