拾味正宗刀削麵館 (歌賦街) (已結業)

如果想食正宗嘅刀削麵，喺中環嘅歌賦街都有一間平民價錢嘅高質選項。口水肥牛｜上海水餃｜刀削麵（$68）呢度嘅刀削麵麵底比較硬身，有正宗上海風味，質素其實幾好，不過可能香港市面上太多煮得比較淋嘅刀削麵，所以呢度相對正宗嘅煮法反而會有水土不服嘅情況，都幾可惜。口水肥牛辣度啱啱好，口水汁好香辣，好正。而水餃大大粒，每隻都好多餡，非常滿足。口水手撕雞｜上海雲吞｜刀削麵（ $68 ）口水手撕雞嘅份量比想像中更多，直頭有一座小山咁多，口水汁嘅味道好惹人，而上海雲吞都係好大粒，同水餃一樣咁正。豆漿豆漿香香甜甜，飲洛口口感非常順滑，冰冰涼涼喺呢啲天氣飲好舒服。