太二老壇子酸菜魚

營業中

休息中

今日朋友話想食酸菜魚，佢就揀咗呢間餐廳食，我哋18:30嚟到，唔駛等位，裡面環境寬敞舒適，燈光暗暗，好有情調，呢到係用QR code落單，食物種類唔算多，我哋點咗招牌鱸魚酸菜魚2-3人餐 $298 可以揀兩份配菜，我哋揀咗紅薯粉同萵筍片。招牌鱸魚酸菜魚：大大片嘅無骨鱸魚，鮮甜嫩滑。紅薯粉：煙煙韌韌萵筍片：清脆爽口配埋佢個酸辣湯底：酸辣度適中，酸酸辣辣特別惹味！點完嘢食，我哋就出咗去沖杯陳皮洛神花茶飲，甜甜酸酸好開胃 （免費沖飲）之後就返埋位坐，我哋就玩佢個抽籤筒，我哋抽咗支吉籤，睇到個籤文寫得咁好，我哋食嘢個心情都特別好！