影片
更多
2024-07-17
818 瀏覽
約咗朋友放工打邊爐，今次特別啲去咗蘭貴坊嘅呢間朝天門食正宗重慶火鍋。朝天門大有來頭，係中國十大火鍋品牌，係重慶老字號有百年歷史，重慶火鍋仲係非物質文化遺產。呢間餐廳門面夠晒氣派，打卡一流，進了朝天門，就到重慶城。裏面座位都好舒服，有好多卡位同埋包房，包房仲有得唱K添。非遺三味鍋有齊重慶麻辣湯、菌湯同埋蕃茄湯，麻辣湯係正宗重慶風味，辣度調節咗少少，啱晒我口味，唔會太辣。蕃茄湯同埋菌湯都好濃郁。椒香酥肉等湯滾起嘅時候食吓小食先，呢個肉好酥脆條味道好惹味。重慶小麵/重慶酸辣粉細細碗咁，可以試味又唔怕食飽，重慶小面麻辣惹味，酸辣粉酸酸辣辣，煙煙韌韌嘅紅薯粉好開胃。冷鍋鴨血鴨血鮮嫩無比，落去麻辣湯底味道一流。鋒火戲豬喉第一次食，淥2分鐘就食得，估唔到好爽脆，完全冇怪味。丸滑拼賣相好精緻，每一粒都有一個水晶盒裝住，有蝦滑、墨魚滑、牛丸、貢菜豬丸、魚腐。牛羊拼盤擺盤靚靚，羊肉唔會太羶，雪花牛肉嫩口。手切吊龍牛味濃洧，有咬口得嚟嫩。千張勁靚，成個花咁樣，用嚟吸湯索味一流。凍豆腐擺盤好有心思，砌到一朵花咁，凍豆腐吸湯一流。原山菌菇拼盤全部都係唔常食到嘅菇菌，有牛肝菌、繡球菌、雞縱菌、雞油菌同埋原隻野生竹
呢間餐廳門面夠晒氣派，打卡一流，進了朝天門，就到重慶城。裏面座位都好舒服，有好多卡位同埋包房，包房仲有得唱K添。
非遺三味鍋
有齊重慶麻辣湯、菌湯同埋蕃茄湯，麻辣湯係正宗重慶風味，辣度調節咗少少，啱晒我口味，唔會太辣。蕃茄湯同埋菌湯都好濃郁。
椒香酥肉
等湯滾起嘅時候食吓小食先，呢個肉好酥脆條味道好惹味。
重慶小麵/重慶酸辣粉
細細碗咁，可以試味又唔怕食飽，重慶小面麻辣惹味，酸辣粉酸酸辣辣，煙煙韌韌嘅紅薯粉好開胃。
冷鍋鴨血
鴨血鮮嫩無比，落去麻辣湯底味道一流。
鋒火戲豬喉
第一次食，淥2分鐘就食得，估唔到好爽脆，完全冇怪味。
丸滑拼
賣相好精緻，每一粒都有一個水晶盒裝住，有蝦滑、墨魚滑、牛丸、貢菜豬丸、魚腐。
牛羊拼盤
擺盤靚靚，羊肉唔會太羶，雪花牛肉嫩口。
手切吊龍
牛味濃洧，有咬口得嚟嫩。
千張
勁靚，成個花咁樣，用嚟吸湯索味一流。
凍豆腐
擺盤好有心思，砌到一朵花咁，凍豆腐吸湯一流。
原山菌菇拼盤
全部都係唔常食到嘅菇菌，有牛肝菌、繡球菌、雞縱菌、雞油菌同埋原隻野生竹笙，感覺好養生。
乾脆貢葉
由重慶直送，好爽脆，唔怪之得以前係進貢皇帝。
紅糖爆漿糍粑
糍粑煙煙韌韌，紅糖爆漿，做甜品一流。
呢間火鍋天花板環境舒適，食物高質。而家到店食飯打卡，仲送精美甜品添。
張貼
