影片
更多
2022-01-05
532 瀏覽
追開Kpop，係bubble到見到鍾意既idol分享今日食左海鮮煎餅，搞到口痕都好想食，一於就約三五知己去食韓國嘢喇😜我地一行四個人，叫左個原味紫菜包飯、海鮮煎餅、芝士炸雞同烤牛肉拌飯。本身以為唔夠食，諗住食完一round再叫多小小，後尾冇叫到都食得好飽🤪🤪一定會再幫襯！一開始就比多幾款小菜我地，泡菜就梗係唔會少，仲有豆芽，豆角，蘿蔔等醃菜，不過我地除左泡菜全部都唔鍾意😂😂又唔係話小菜難食，係我地本身就對醃菜麻麻。首先講左個海鮮煎餅先，真係好大一張餅🫓！切開左8塊😋四個人一人兩塊啱啱好夠分，餅邊煎得好香脆，超級超級超級超級香，咬一啖餅面又好香軟，餅上面既蔥都煎曬啲蔥香味出黎，有一兩個紅椒都令到成張餅多小小顏色搭配，見到都胃口大開😆😆個餅本身都夠曬味，所以中間既醬汁都冇點點過，點左小小試左下覺得好鹹，就咁食原味既更好味，下次一定會再嗌黎食！原味紫菜包飯都好正！平時係出面小店買既紫菜包飯都唔平，但成一半都係飯，今次食呢個紫菜包飯飯得薄薄一層，唔會話食唔到飯既口感但都唔會太多飯令到搶曬餸料既風頭😋都會再encore😆😆芝士炸雞🍗好多芝士，上檯之後熱辣辣，夾一舊就拉起絲，芝士味好濃好香，口水都
我地一行四個人，叫左個原味紫菜包飯、海鮮煎餅、芝士炸雞同烤牛肉拌飯。本身以為唔夠食，諗住食完一round再叫多小小，後尾冇叫到都食得好飽🤪🤪一定會再幫襯！
一開始就比多幾款小菜我地，泡菜就梗係唔會少，仲有豆芽，豆角，蘿蔔等醃菜，不過我地除左泡菜全部都唔鍾意😂😂又唔係話小菜難食，係我地本身就對醃菜麻麻。
首先講左個海鮮煎餅先，真係好大一張餅🫓！切開左8塊😋四個人一人兩塊啱啱好夠分，餅邊煎得好香脆，超級超級超級超級香，咬一啖餅面又好香軟，餅上面既蔥都煎曬啲蔥香味出黎，有一兩個紅椒都令到成張餅多小小顏色搭配，見到都胃口大開😆😆個餅本身都夠曬味，所以中間既醬汁都冇點點過，點左小小試左下覺得好鹹，就咁食原味既更好味，下次一定會再嗌黎食！
原味紫菜包飯都好正！平時係出面小店買既紫菜包飯都唔平，但成一半都係飯，今次食呢個紫菜包飯飯得薄薄一層，唔會話食唔到飯既口感但都唔會太多飯令到搶曬餸料既風頭😋都會再encore😆😆
芝士炸雞🍗好多芝士，上檯之後熱辣辣，夾一舊就拉起絲，芝士味好濃好香，口水都留成檯喇喂😆😆😆炸雞雖然被芝士包住但都好脆，一啖咬落去芝士味雞味油香味全部都有😋😋
烤牛肉拌飯就普普通通，唔係特別驚艷，但都好好食。
總體黎講係非常滿意既一餐😋😋正宗韓式味道，一定會再黎！
芝士炸雞
48 瀏覽
0 讚好
0 留言
原來紫菜包飯
27 瀏覽
0 讚好
0 留言
張貼
