OPPA Coffee Bar Restaurant

營業中

休息中

今次又嚟到尖沙咀食韓國菜，呢間位於金巴利街嘅小店。餐廳地方設計簡約，餐牌都有唔少正宗韓式食品選擇，我哋人少少點咗幾款share食。原味炸雞一隻（$218）- 佢嘅正宗韓式炸雞，一共有八款口味，可選有骨同無骨。第一次食點咗原味試吓先，未食已經聞到陣陣嘅香味。鍾意佢炸皮薄，入口鬆脆，配上嫩滑嘅雞肉，味道唔錯。Jumbo芝士蛋卷（$188）- 賣相非常震撼，雖然個名叫Jumbo，但估唔到份量真係咁多。蛋卷上面部門密密麻麻嘅椰菜絲，仲有沙律醬及茄汁。蛋卷入面怖滿流心芝士，蛋味非常香。不過建議多幾個朋友先好叫，因為分量真係好多。蟹膏蟹肉紫菜卷 ($108) - 一客共有10件，紫菜卷入邊除咗有蟹膏之外，仲有紅蘿蔔、青瓜等配料，入口非常清新。