合香園

營業中

休息中

老實講如果唔係朋友帶我黎呢到，我真係完全唔知香港仲有啲咁既地方👀合香園係正街市入面，仲要係臨時街市，都差不多成41年🧐入面既合香園同德發牛丸都好出名！雖然開係街市入面，食用環境係差緊啲，但我又覺得作為香港人點都要黎食過一次😂入面既環境係好老香港，濃濃既港風情🔥好似拍電影咁，好有味道。當中合香園同德發牛丸係好似合拼左咁，通常都會嗌晒兩邊😂👉🏿✨咖央多 📌蘇施黃都力推架！食落口真係寧舍有風味，咖央味道非常正宗，而且超厚多士又唔會好熱氣，正！👉🏿✨奶茶紅豆冰📌應該係必飲呢！佢既紅豆仲粒粒分明，唔會爛晒。而且奶茶調得岩岩好，唔會死甜，加埋紅豆食超正😈