影片
更多
2013-12-31
1919 瀏覽
今天去完郊遊，回程在船上吹了一整個小時海風，海上寒風刺骨，一路諗住返上岸要食番個辣雞煲驅寒先得。去到旺角都成八點幾，問左一兩間火鍋店問到呢間仲有位，OpenRice 評分又好似 OK，於是走入去試試。可能好生意，佢開左好多張臨時摺檯。爐方面電磁爐同卡式石油氣爐各佔一半，煲有黑色砂窩煲同鴦鴛不銹鋼煲，有幸畀安排用電磁爐同砂鍋既梗係會感覺好啲啦。我地早十分鐘到打去訂位，去到店員都好快可以安排到位⋯⋯畀我地去搭檯。其實搭檯仲好啲，可以位多一兩個位去放袋放羽絨褸，若是二人檯的話，大概要放地上先得，但試問邊位女士會捨得將手袋放去地上呢？一坐好，研究左個餐牌幾分鐘，有幾隻火鍋湯底揀。咁呢度店名叫麻辣雞煲火鍋，無理由唔試佢先㗎，係咪先？大概十分鐘後，火鍋來了。咦？係咪落錯咗單呢？點解會變左煲雞湯嘅？望番個餐牌，再望望門口幅相，都唔同樣嘅。咁立即問下店員攪乜啦，店員話我地點嗰隻＊正宗麻辣雞煲＊係比較多湯，預客人打邊爐嘅。聽完之後，我同朋友完全唔識反應。係我咁多年嚟食開用汁煮嘅唔夠正宗丫，定係呢種雞湯式嘅先係某地方嘅「正宗」？答案我唔知，我淨係知呢煲嘢同我嘅預期有一定程度嘅落差。其實店員有解釋乾身得少量
可能好生意，佢開左好多張臨時摺檯。爐方面電磁爐同卡式石油氣爐各佔一半，煲有黑色砂窩煲同鴦鴛不銹鋼煲，有幸畀安排用電磁爐同砂鍋既梗係會感覺好啲啦。我地早十分鐘到打去訂位，去到店員都好快可以安排到位⋯⋯畀我地去搭檯。其實搭檯仲好啲，可以位多一兩個位去放袋放羽絨褸，若是二人檯的話，大概要放地上先得，但試問邊位女士會捨得將手袋放去地上呢？
一坐好，研究左個餐牌幾分鐘，有幾隻火鍋湯底揀。咁呢度店名叫麻辣雞煲火鍋，無理由唔試佢先㗎，係咪先？大概十分鐘後，火鍋來了。咦？係咪落錯咗單呢？點解會變左煲雞湯嘅？
望番個餐牌，再望望門口幅相，都唔同樣嘅。咁立即問下店員攪乜啦，店員話我地點嗰隻＊正宗麻辣雞煲＊係比較多湯，預客人打邊爐嘅。聽完之後，我同朋友完全唔識反應。係我咁多年嚟食開用汁煮嘅唔夠正宗丫，定係呢種雞湯式嘅先係某地方嘅「正宗」？答案我唔知，我淨係知呢煲嘢同我嘅預期有一定程度嘅落差。其實店員有解釋乾身得少量汁嗰集係第二款唔辣嘅茶樹菇雞煲。Fine，呢刻我明白我落錯單了，於是再三懇求店員更換另一款無咁多湯嘅畀我地。店員甲再找店員乙，說因為雞煲係落單即煮，煮咗畀唔到其他客而無得換，但可以幫我地倒開啲湯再炒乾番佢。退而求其次，總好過無啦。全程店員其實都好有禮貌嘅，值得讚下。我地搭檯嘅同檯人士聽到我地同店員嘅對話都深表同情，話佢地都中過招，嗰次店員一樣無換到，今次店員肯幫我地煮過都算係咁。我有理有相信，同樣嘅情況，每天都發生唔少次。個個店員都係後生仔女，其實影番兩幅相，或者客人落單前提一提客人咪可以避免誤會囉。就算客人真係點錯嘢，食得唔開心，下次一樣唔返嚟幫襯，因小失大。再唔係，咪送番碟菜畀客人大氣條氣順啲都好丫。
再過咗十分鐘左右，雞煲又再返嚟。雖然佢唔係正宗，但係個樣順眼啲。
除左雞煲外，仲諗住揀碟肥牛。肥牛有四款揀，無圖片唔太知邊隻好。問完店完意見，再望望隔籬檯，得知最平六十幾蚊一碟既火鍋肥牛係平時火鍋店任叫，過半部份係白色脂肪嗰隻。咁我地就點左百幾蚊碟嘅雪花肥牛啦，店員話佢啲脂肪係平均啲。Well，點平均法？睇下圖啦：
另外再叫左碟爆醬豬肉丸拼貢丸、魚片頭同一碟蘿蔔。可能為咗証明肉丸新鮮，八粒$42，上檯仲依然係冰封狀態。片頭都叫仲有彈性，蘿蔔就普普通通。由於唔夠飽，最尾加碼左一份菜同出前一丁。
菜同出前一丁都未嚟，嘢仲食到一半，有位女店員突然行過嚟，好好語氣咁問我地介唔介意換檯。我想講介意架，不過見佢好聲好氣，同埋理解人地都係想做多啲生意，咁咪算數換囉。但換檯呢嘢，你會唔會expect 喺一間我兩個人花左四百幾蚊嘅火鍋店裡面發生呢？我唔會。我打邊爐多數去都會去飲食嗰啲酒樓，因為成班男人，對食物要求唔高，個個又大食，任食嘅固定價錢，叫到飽為止。至於逐碟叫嘅，價錢一定係貴啲，人客自然會有相對要求，要求湯底正啲，服務好啲，材料新鮮啲好味啲。尤其係肥牛，依家牛肉價高企，好多任食火鍋都會幾片幾片咁上，怕驚客人浪費。呢度有四款肥牛，有唔同名目，感覺上都會覺得火鍋店會對牛質高低有所執著。而年輕一輩經營嘅店舖，往往會忽略咗呢啲細節。
總體而言，雞煲味道尚可，對，只是尚可，而材料真係同任食火鍋店無咩分別。舖面太細，冬天個個客人都好多衫同袋要放，坐得不太舒適。舖面內通風欠佳，要知道舖內好多明火火鍋，感覺不太良好，食完身上衣物行裝都沾上了辣雞鍋味，要即晚洗衫處理。
舖外雖然貼了某飲食雜誌及 OpenRice 的食肆推介，把客人的期望推高，但事實上呢刻食物質素似乎未及預期。食肆是一門長期生意，要多聽客人意見，不斷改善服務及食物質素，客人食過會回頭再幫襯先係最重要。我回家後翻看這間食肆的食評，發現好多食評人都係得寫得一兩篇帳戶，令人懷疑箇中有幾多係堅嘅。
張貼
