慢煮工業 (已結業)

約個老友食晏，呢排疫情又起，人人自危之際，肚餓都要食野，唔驚得咁多老友住太子，我住天水圍，一向都係我出去搵佢，叫佢黎天水圍佢應該唔肯，天水圍亦冇咩值得試，好老實我上網搵左呢間慢煮工業，OpenRice就好多好評，通常呢啲我期望都會高啲，試試佢先去到坐低，係掃QR code落單，好方便，佢菜單都好多野揀，我地貪方便都係叫午餐，兩份牛扒轉薯條，老友加多個炒蛋，另外加多個小食雞翼牛扒上到枱，幾難切，因為有咁上下厚度，同埋我覺得係Rare同medium rare之間，幾生下我ok嘅，因為佢 option冇得揀熟度（好似）但遇著其他人偏好熟啲，可能麻煩啲味道正常，西冷特色應該係有𡁻頭同肉味濃啲，都符合嘅，呢個價$98唔好要求咁多了。薯條正常，夠熱個炸雞翼都ok，夠熱同脆，合格嘅反而凍檸茶麻麻，欠甜味，茶味唔夠整體上可以試下，但唔係咁有驚喜，普通啦