樂天皇朝 (利舞臺廣場) (已搬遷) 新店位置

好耐之前去食，整體都還好，正常發揮啦，但又未至於好食到會特登再去。特色皇朝小籠包 最好食係蟹粉，有啲味道我覺得唔太夾。鵝肝味就一言難盡，如果下午茶仲有半價都可以試吓。薺菜黃魚春卷呢個幾好食，香港好少見。入面真係有魚肉，但味道又唔腥，呢個可以叫。龍華素鴨 佢甜得滯。味道好怪，千祈唔好叫。李白醉雞 酒味幾香，肉都ok 嫩滑，算正常發揮。其他評價：環境幾好，幾古色古香，座位好闊落，仲有條小水池，論環境係真係一流，但整體食物質素普通。