神座日本料理 (已結業)

今日晏晝黎左呢間神座日本料理食lunch，因為近工作嘅地方，時間又有少少晏，所以都冇認真睇Menu就入咗去坐低。落到去客人唔算好多得四至五台客，店員就俾咗個午市套餐。我哋睇。基本上都係啲普通嘅日本料理，例如刺身丼、壽司、烏冬、拉麵等等。我本身打算叫佢嘅雜錦刺身丼，但係店員同我講賣晒，於是我就叫咗佢嘅三文魚海膽丼。由於係午市套餐，所以除咗刺身丼外，仲有麵豉湯同埋小食。佢嘅刺身丼份量都好足夠，面頭都有大概五至六塊三文魚，而海膽就唔算多，不過都算新鮮，唔會好苦。而飯方面就正常發揮，係港式唔太正宗嘅壽司飯😂。