鴻仔記車仔麵 (禾輋邨)

營業中

休息中

連鎖車仔麵店鴻仔記原來共有六間店，主要集中喺新界區。呢度嘅四餸麵 $39，可以揀一款貴餸三款平餸，貴餸我揀咗蠔皇花膠😍，花膠細細抽，一滑入口，半秒就已經 KO 咗，好滿足🤗，三十幾蚊個麵就有花膠食，實在不能要求更多啦😂。其餘三款餸我揀咗咖哩魚蛋，炸魚皮同蘿蔔，前兩者正常水準，至於蘿蔔呢🤔，比起孖寶車仔麵，呢度嘅蘿蔔顯得失色少少，雖然夠腍，但係甜味就弱咗啲啲。特別想講下呢度嘅醬汁，除咗常見嘅辣汁，咖哩汁，沙爹汁，腩汁之外，仲有比較少見嘅瑞士汁，頭三款醬汁仲有五個份量可以揀，我揀咗中量嘅沙嗲汁，上枱時有啲似一羹杰身嘅沙嗲醬，將一半撈落個清湯度，另一半點蘿蔔同炸魚皮食，滋味無窮😋，再叫多杯咸檸七，就係一餐豐富嘅晚餐😌。