越興園越南菜館 (已搬遷) 新店位置

呢一間係同男朋友係旺角行行下搵到既，大家都唔知食咩好，咁岩見到有岩食既就入左去🤣。我地坐樓上，啲裝修睇落都有啲歷史，雖然舊舊地但未至於污糟。我地嗌左個二人set食，二百幾三百零蚊都算係咁🤔。💛菠蘿梳打｜可樂每人有杯野飲，我嗌既菠蘿梳打係雪碧加罐頭水果，穩穩陣陣。因為我試過係其他餐廳食越南野，嗌個杯特飲係藥水味，寧願佢比普通梳打水我好過。呢杯梳打仲要有奇亞籽，幾特別🤣👍🏻。💛炒飯佢實際個名叫咩炒飯已經唔記得😂😂😂，但就咩材料都有啲，味道不過不失。💛馬拉盞通菜呢個最滿意，炒得好香！💛海南雞要加錢先有半隻，本身好似係四份一隻，啲雞ok滑。💛蒜蓉青口｜炒牛肉｜香茅雞翼雖然主食得一個，但小食就有好多，份量都好多，夠兩個人食到好飽🤣。