豚王 (已搬遷) 新店位置

係銅鑼灣有好多唔同既野食，我都幾鍾意食拉麵，之前試個食一蘭，今次就試埋豚王。今次係我第一次光顧豚王，做已經有哂心理準備去排隊，畢竟係銅鑼灣。但除了拉麵之外，佢個流心蛋又係好正，鋪頭將流心蛋分開湯麵上，咁就唔會因為個湯底的熱力令到ｄ蛋弄熟哂，個流心蛋煮得好入味，啖啖都可以食到醬油味，好正。咁我係叫左叉燒拉麵，呢間既叉燒真係值得一讚，半肥瘦，而且又厚厚咁。比其他一般鋪頭小小一片。呢度眉叉燒都有手掌心咁既大小，真係好讓人覺得十分十分滿足。食拉麵，識食一定係第一樣做既野就係飲下啖湯。整體黎講，我覺得真係幾好味。第一，夠哂濃味。第二，佢個麵，都算幾彈。第三，我都岩岩提過啦，佢個ｄ叉燒真係唔錯，食落都算鬆化，又大塊。所以我都幾欣賞豚王呢度既拉麵，我相信我一定會再黎。