添添

營業中

休息中

雞地食街依舊昌旺，是晚同家人落添添食晚飯，一枱難求😂等左五分鐘左右有枱，用qr code落單先，哎吔，好多晚餐都賣晒了，最後揀小炒轉餐啦。⭐涼瓜斑腩煲本身叫涼瓜炆倉魚晚餐，但落完單發覺賣晒，咁就轉左涼瓜斑腩。個煲燒到好熱，上枱時醬汁起晒泡泡，勁香呀🤤涼瓜爽口，魚塊嫩滑鮮味，加上醬汁香濃，勁好食喎。⭐咖哩牛腩煲另一樣叫左咖哩牛腩，上枱時同樣熱辣辣香噴噴。除左牛腩，仲有唔少三色椒同洋蔥，牛腩軟腍入味，配菜甜美，咖哩汁香口勁好下飯。⭐白飯一大碗夠晒飽🍚⭐凍奶茶 & ⭐凍鴛鴦餐飲有得揀小小甜，啱口味喎😋兩個人二百蚊左右食飽飽，抵啦。