影片
更多
2021-08-07
75 瀏覽
筲箕灣大把好野食，反而川菜就無乜好推介，心癮起又想食辣野，呢間麻辣娘子之前去過將軍澳分店食過，食過返尋味，再戰！筲箕灣分店裝潢好有中華特色，坐位寬敞，好有空間感，可以慢慢同朋盡情暢談。上次試左個酸菜魚，今次就嚟試下唇舌飄香水煮魚($248)，點知更加好食，食到停唔到口，大魚塊又滑又大塊，完全無腥味，入面有寬粉，夾埋辣湯就更加好味，又辣又麻又香，好正好好味，推薦！另外我地嗌左個娘子香辣鍋($194)，可以任選配菜，我地簡選左分安格斯牛肉、午餐肉、椰菜花、豆皮，我地一致覺得椰菜花同埋牛肉係最夾最好食。同埋嗌左夫妻肺片($68)，涼拌菜式係咁熱天食特別爽，而且香味獨特，真的令人回味無窮。小食方面我地嗌左個脆皮小豆腐($58)，好夠獲氣，外焦裡嫩，食到停唔到口。同埋嗌左個霸王炸子雞($118)，雞件色澤金黄，食落脆而不腻，入面有好多腰果做配菜，好有口感，必叫！麻辣娘子同隔離阿里山茶飲店合作，所以我地嗌左黑糖珍珠奶茶($30)、十勝紅豆茱香綠茶同埋手作鮮果茱香綠茶($30)！手作鮮果茱香綠茶入面有又多水果，茶味香醇，黑糖珍珠奶茶d珍珠煙韌彈牙。最意想不到係十勝紅豆茱香綠茶，紅豆好多好甜，同綠茶好
筲箕灣大把好野食，反而川菜就無乜好推介，心癮起又想食辣野，呢間麻辣娘子之前去過將軍澳分店食過，食過返尋味，再戰！
筲箕灣分店裝潢好有中華特色，坐位寬敞，好有空間感，可以慢慢同朋盡情暢談。
上次試左個酸菜魚，今次就嚟試下唇舌飄香水煮魚($248)，點知更加好食，食到停唔到口，大魚塊又滑又大塊，完全無腥味，入面有寬粉，夾埋辣湯就更加好味，又辣又麻又香，好正好好味，推薦！
另外我地嗌左個娘子香辣鍋($194)，可以任選配菜，我地簡選左分安格斯牛肉、午餐肉、椰菜花、豆皮，我地一致覺得椰菜花同埋牛肉係最夾最好食。同埋嗌左夫妻肺片($68)，涼拌菜式係咁熱天食特別爽，而且香味獨特，真的令人回味無窮。
小食方面我地嗌左個脆皮小豆腐($58)，好夠獲氣，外焦裡嫩，食到停唔到口。同埋嗌左個霸王炸子雞($118)，雞件色澤金黄，食落脆而不腻，入面有好多腰果做配菜，好有口感，必叫！
麻辣娘子同隔離阿里山茶飲店合作，所以我地嗌左黑糖珍珠奶茶($30)、十勝紅豆茱香綠茶同埋手作鮮果茱香綠茶($30)！手作鮮果茱香綠茶入面有又多水果，茶味香醇，黑糖珍珠奶茶d珍珠煙韌彈牙。最意想不到係十勝紅豆茱香綠茶，紅豆好多好甜，同綠茶好夾好清新，非常值得推薦！
張貼
