八〇

營業中

休息中

平時冇寫開食評，但見呢間冇乜人講佢嘅份量偏少，所以想寫返個中和下啲食評。-兩個人食tea，叫左一個俄羅斯燒牛肉酸忌廉扁意粉，$128，以細食女仔黎講算係啱啱好，個意粉汁係幾好嘅，啲肉味有入到個汁到，但個牛肉勁韌，3/5分。-提拉米蘇咖啡沙冰，$55，好細杯，同平時一杯dirty差唔多size。比左支熱飲飲筒黎，跟本飲唔到🙈 仲要啲冰打唔爛，一舊舊喺杯野入面，飲完都仲有成粒冰喺度，味道可以，唔係太甜，2.5/5分。-本身落單嘅時候已經叫左甜品一齊上，最後等左一個鐘先黎到嘅曲奇黑糖麻糬窩夫，$88，中規中矩，算大份，擺盤賣相都ok，但個雪糕好細粒，佢話係gelato但食落唔覺得佢有gelato嘅質感，3/5分。-餐廳職員嘅態度良好，只係食物質素同價錢方面有改進空間。