印尼餐廳1968 (已結業)

諗住宜家匯豐信用卡做緊主菜做緊買一送一，諗住同阿媽去試下~見阿媽未黎就睇住餐牌先啦~之後再諗住問清楚個waiter個優惠既詳情，佢話除左海鮮，其他既主菜都係買一送一，俾就俾貴個碟，送就送平個碟，咁其實好正常~好啦，亞媽黎到，諗好叫咩，諗住點一個沙嗲拼盤($128)，就再叫一個印尼海鮮炒麵($98)，最後我重不厭其煩問多次咁叫法可唔可以買一送一，唔知係咪個waiter 嫌我地叫得少啦，佢話個炒麵唔送得，因為有海鮮，呢個都算啦，之後佢話送個碟要係60蚊或以下喎!(但我第一字問佢個陣都無提過有價錢既限制)望下個menu, 其實都無咩係60蚊以下，當我地諗唔到叫咩既時候，個waiter suggested 我地可以叫炒貴刁($78)!咁即係點呢，你又只可以送60蚊以下既菜，宜家有突然話可以送78蚊既菜!？其實真係唔係錢既問題，但我覺得呢間野做生意好唔老實囉，所謂既condition係可以朝令夕改，鍾意的話隨時就可以改~最後都無幫襯就走左，大家去幫襯呢間野，而又諗住用信用卡優惠的話，真係要好小心!