壽司芳

營業中

休息中

今晚朋友邀請我食廚師發板，呢一間我都係第一次食，但係絕大部份人都話呢間好好食，最慘我係唔識得蝦蟹😒但係都唔緊要，其實呢一間日本餐廳大部份食材都好新鮮，因為實在太多道菜，冇辦法每一樣都點評，就講吓我覺得最特別嗰幾款，我幾鍾意食佢嘅吞拿魚壽司，因為佢係用咗三種唔同吞拿魚嘅部位，食落去口感更加有層次，賣相都好靚，另外我幾鍾意食佢嘅鮑魚海膽，因為鮑魚嘅口感加上海膽嘅鮮味，真係鮮上加鮮另外我覺得日本師傅喺過程當中都好細心，時不時問我地有咩需要，師傅到中段知道我唔鍾意食飯，師傅就幫我全部轉晒刺身😯所以呢一晚我係好滿意嘅一餐