見見面 (已結業)

收工即興約🌶🦶，成局✌🏻 。我話要落九龍城食「見見面」，因為對上一次食已經係一年前。因為冇book枱，所以坐細鋪嗰邊，原來裝修咗，環境舒服過以前好多～ 我哋叫咗：-酸菜桂花魚（例牌）（魚肉滑，塊塊差唔多size唔會碎濕濕，份量都好多，三個人食到好滿足唔會唔夠食，我哋仲加咗寬粉索晒啲汁好惹味～）-干鍋田雞（田雞肉好嫩，配菜洋蔥同青椒都炒到好入味，撈飯一流）-辣子雞（好香口，唔干，花生都食晒）-炒番薯葉（蒜蓉炒，食咗幾樣咁辣嘅，食返一個清淡啲又可以幫忙中和返啲辣😅）-炸饅頭（估唔到有驚喜，炸得好香口，唔會好硬）-串燒*細舖坐得幾舒服，人少少唔會太嘈，可以傾到計～埋單$88x。