影片
更多
2021-01-06
257 瀏覽
首先我從未喺openrice寫過食評但我食完好想分享俾其他人知😂等多啲人黎試吓😉今日經過餐廳門口已經有位侍應哥哥好好笑容咁話入嚟試吓於是我同老婆就入咗去食lunch喇當日中午12點半 入面只得一枱客咁我地睇完set lunch menu 最後選咗煎三文魚扒野菌意大利飯 $128茄汁鮮蝦意粉 $88套餐送是日餐湯 嘢飲好似要另外加$8今日就係 椰菜花薯蓉忌廉湯首先講吓環境其實餐廳唔算大一半係廚房 一半係食嘢嘅地方只得2張兩人枱 同 2張四人枱所以如果多啲人嚟食都可能要book枱但當日到我走嗰刻都係得3枱客可能餐廳啱啱開業暫時無咩人知餐廳裝修優美 播住嘅音樂亦配合到環境服務方面餐廳當日只得一個侍應哥哥招呼客人由企門口招待客人 到俾menu 點菜 傳菜 執枱 收錢都係佢負責晒侍應哥哥好有親和力 服務好到位唔會過於熱情 令人感到舒服詳情就自己去感受吓我估佢應該喺餐飲服務打滾過一段時間😌最令我驚訝係埋單先知lunch唔需要加一服務費😳送餐時間廚房好似得一個廚師我見到啲餐喺廚房一個出完 等多陣再出下一個應該係即叫即煮所以唔算等得耐不過如果餐廳full晒 就可能要俾啲耐性如果想快 都唔會嚟西餐廳啦？
我從未喺openrice寫過食評
但我食完好想分享俾其他人知😂
等多啲人黎試吓😉
今日經過餐廳
門口已經有位侍應哥哥好好笑容咁話入嚟試吓
於是我同老婆就入咗去食lunch喇
當日中午12點半 入面只得一枱客
咁我地睇完set lunch menu 最後選咗
煎三文魚扒野菌意大利飯 $128
茄汁鮮蝦意粉 $88
套餐送是日餐湯 嘢飲好似要另外加$8
今日就係 椰菜花薯蓉忌廉湯
首先講吓環境
其實餐廳唔算大
一半係廚房 一半係食嘢嘅地方
只得2張兩人枱 同 2張四人枱
所以如果多啲人嚟食都可能要book枱
但當日到我走嗰刻都係得3枱客
可能餐廳啱啱開業暫時無咩人知
餐廳裝修優美 播住嘅音樂亦配合到環境
服務方面
餐廳當日只得一個侍應哥哥招呼客人
由企門口招待客人 到俾menu 點菜 傳菜 執枱 收錢都係佢負責晒
侍應哥哥好有親和力 服務好到位
唔會過於熱情 令人感到舒服
詳情就自己去感受吓
我估佢應該喺餐飲服務打滾過一段時間😌
最令我驚訝係埋單先知lunch唔需要加一服務費😳
送餐時間
廚房好似得一個廚師
我見到啲餐喺廚房一個出完 等多陣再出下一個
應該係即叫即煮
所以唔算等得耐
不過如果餐廳full晒 就可能要俾啲耐性
如果想快 都唔會嚟西餐廳啦？😅
食物
是日餐湯 - 椰菜花薯蓉忌廉湯 👍🏼
唔係一般罐頭忌廉湯
好飲到唔記得飲相
茄汁鮮蝦意粉👍🏼👍🏼
我老婆食 但我試咗幾啖 意粉好重茄味
不過我鍾意意粉乾身少少
蝦好大嚿 有蝦味唔會話雪到無味嗰隻 都有好多嚿
煎三文魚扒野菌意大利飯👍🏼👍🏼👍🏼
今日嘅主角 唔怪得個餐價錢係set lunch 最貴
三文魚扒好大塊 塊魚皮煎到好脆 😍
三文魚魚肉好多汁 好味🤤
意大利飯好好食 唔會太濕亦唔會太乾 口感啱啱好
就連條菜（菜心？）都整到好乾身好好食🙈
總體食物有酒店質素 但其實係一般餐廳嘅價錢
我普通打工仔一名 無乜機會成日周圍食好嘢
亦對食無乜研究😅
今時今日 有人要睇餐廳係咩顏色 先決定食唔食
我就覺得食嘢只係講 好食定唔好食
食落肚好食就好食 唔好食就唔好食
今餐我就食得出廚師大哥煮菜嗰份心思
正正因為咁我先想分享多啲人知
依度啲嘢食係 好好食！
臨走見到廚師原來係後生仔 可能係老闆？🤔
犀利👍🏼👍🏼👍🏼
喺度想同餐廳講聲 加油！
頂住個逆市吖💪🏼
捱過逆市 以貴餐廳嘅質素之後應該長期爆人
希望餐廳到時可以繼續keep住依然水準！😋
茄汁鮮蝦意粉
$88
22 瀏覽
0 讚好
0 留言
煎三文魚野菌意大利飯
$128
20 瀏覽
0 讚好
0 留言
張貼
