CK Bistro (已結業)

午餐無意發現呢一間大埔西餐小店，由餐湯到main course 都好好味！推薦豬排同埋三文魚意大利飯💕💕仲要係大概係$100有set （lunch無加一），真係超值~😇😇見到隔離台個蝦意粉都好吸引，下次去一定會試💕個大廚原來係前五星酒店大廚，真係好有心機！一定會再來🥰😆 希望多點人認識！個餐廳原來仲有做到會，可能下次家庭聚會的時候都會幫襯！ A very decent western restaurant in the Taipo neighbourhood! Highly recommended 👍🏼👍🏼😙😙

工作上的閨密找到此隱閉小店，又預先訂咗位，真有心。店內只能招呼12人，一入門口便見到公司高層坐响另一枱🤭。佢哋原來每週最少都要嚟一次，証明此店有相當水準。🤘🏻叫咗set lunch 燴牛肉，跟一個好特別嘅㗎喱湯。其實本尊唔太好curry, 但係嗰様又幾得，即管一試，都幾好味😋好友食蕃茄大🦐意粉，試咗隻蝦，好彈彈，新鮮👍🏻我自己嘅燴牛肉配薯蓉，好淋， yummy 一定要再幫襯，不過，記得要訂位喎。

開張果時，黎左一次，上星期經開大埔再試過，上次食燒春雞，非常Juicy，而且唔煙韌，今次試左豬扒，出奇地軟熟，好似食豬柳，而且，環境好舒服，去果日都有32-33度，但冷氣係非常充足，十分推薦呢間小店。

❤️用心制作私房西餐，已變成我家的飯堂，中級價錢，超水準五星級食物和服務👍🏻👍🏻👍🏻真物有所值，平時偷懶的我很少寫食評，這小店已成了我招呼親朋戚友的西餐廳，昨晚聚會預訂外賣到會，朋友們讚不絕口👍🏻👍🏻👍🏻香芒牛油果蝦沙律 ，凱撒沙律煙三文魚，西班牙火腿配蜜瓜 ，前菜沙律很新鮮🥗女士們非常喜歡😃😃😃香草烤雞 (皮脆有肉汁)，美式醬燒豬仔骨， 烤澳洲冰鮮羊架 來伴紅酒🍷超正，肉來嫩滑，味道質素超高👍🏻👍🏻👍🏻主角:香烤大比目魚很鮮味(獨特的菜式❤️❤️❤️)內裏還有乾坤(西班牙辣肉腸煮蜆)謝謝大廚🧑‍🍳貼心安排餐單🙏🏻非常完美👍🏻服務態度超正😃😄😃CK Bistro小店一定會繼續支持😄😄😄

放大假去遠啲搵食呢間全部好評，所以要去試吓呢間餐廳唔太大，得廚師同店員兩位工作，店內兩張四人檯同兩張二人檯，入到店兩張二人檯已經有食客，店員問我哋一點交唔交到檯？我望一望錶11:50答佢可以，及後安排入座我哋叫咗紅酒燉牛肉配新鮮薯蓉同西班牙豬扒配新鮮薯蓉同炸薯條，店員即時話你哋兩個餐已經跟薯蓉仲要薯條會唔會太多薯仔，多謝佢善意嘅提醒，我哋話咁唔要炸薯條啦唔該，佢話送個湯比你哋飲住先野菌忌廉湯～好香菇菌味紅酒燉牛肉配新鮮薯蓉牛肉好淋薯蓉好綿好滑配紅酒汁好好味（薯蓉份量好多）西班牙豬扒配新鮮薯蓉豬扒好淋好juicy，配埋烤蒜食好，呢款薯蓉就食到好香牛油味食到一半店員嚟問仲食唔食到薯條呀？我哋笑住話好飽真係食唔到啦😅我真係覺得自己去咗高級餐廳午饍，店員上菜時有講菜名，用餐後有問我哋嘢食啱唔啱食，服務同食物都超水準我哋真係飽到飲品都冇加12:30前結賬仲有九折呢！

同男朋友2:00先去食飯，見到外面幾high class。店舖雖然唔大，但見入面客人坐得舒服，似多熟客。店舖有一邊係透明玻璃，見到師傅係入面煮野食。老細好nice，有禮健談，會同客人互動，虛心問客人意見餐湯是忌廉南瓜蓉湯，南瓜蓉顆粒分明，非常濃郁，上面的麵包粒更是為餐湯錦上添花。放在一起，感受到不同的層次，正！飲完湯無耐就黎main dishes, 我叫左香煎三文魚扒伴意大利飯。一黎就聞到意大利飯入面野菌同黑松露既香味，忍唔住先試左一啖。它不同其他我食過既risotto，一啲都唔會膩，好creamy，同埋好多唔同種類（起碼3、4種）既蘑菇，一啖已經有好多口感，食到我嘩嘩聲，男朋友都忍唔住食左啖。三文魚扒外脆內嫩，皮脆肉滑，脆到好似炸咁，但肉唔會感覺好漏或者好乾，超好食男朋友叫左香草燒雞（半隻）配南瓜薯蓉，雞皮脆到有聲，一切落去d汁同油即刻湧出黎，非常juicy。煎南瓜同煎蒜頭都好香甜，平衡返燒雞既油香。老闆見男朋友用刀叉切到手忙腳亂，好貼心咁提供埋手套(加分)薯蓉都冇求其hea過去，除咗鹽同胡椒仲落左rosemary調味，口感順滑。

男朋友好嘴刁知道佢鐘意食西餐 ，特登帶佢過黎試下之前都睇過下d comment 雖然唔多 但係個個都大讚， 搞到我都好好奇 於是就即慶收工同男朋友出去太和食。因為我本身唔太好西餐，所以唔多加comment 但係質素真係唔差，份量好足，食到我地好滿足，個蒜蓉包都極出色 不過唔記得影相，但真係好好食。男朋友都不停話好食，仲諗住下次再出黎食，係咁介紹fd黎。！！！！！！！！！！！！！！！！！！！值得推薦！！！！！！！！！！！！！！！！！！！

係太和中心附近本身已經有唔少餐廳，而且每間都有捧場客，所以呢度飲食業既競爭相當大，但偏偏仍然有餐廳係呢個疫情期間，係呢個地段開店，估計店主應該對自己既食物相當有信心。由於係新店，所以食評唔多，雖然只有幾個食評，但都睇得出食客對佢既食物同服務都讚不絕口，更有食客話佢一定會紅!! 講到咁，我就梗係趁佢未出名，拿拿臨去試啦!!餐廳唔係好大，只有12個位，閒日LUNCH時間已經有6個位比人訂左，我同友人係岩岩好唔洗等位，如果遲多幾分鐘，可能就要等半個鐘先有位。首先真係要讚下餐廳既服務，樓面果位男職員真係好好態度，聲線溫柔，說話有禮，為人細心，係度食野你會FEEL到被受重視，可能我太耐無遇到呢個情況，所以印象好深刻。午市套餐選擇唔多，只有5款，另外仲有3款廚師精選扒餐，大概$150-300。我同友人各點左一個SET，另加一個薯條。是日餐湯---大蒜薯蓉湯職員上湯果陣，會講埋湯既名，食客唔洗估估下，真係有種去左高級餐廳既感覺。餐廳好用心，除左用靚湯碗，仲係湯面加上泡泡，真係賞悅目。湯既質地唔會好杰身，食落好有薯感，蒜味唔重，有少許煙肉味。炸薯條 $25望住師傅即炸，個薯條心好熱，但外層唔脆，有點失

第一次去聽講係轉咗手，門面服務好親切不時主動加水。咁啱隔離枱好似嚟咗個熟客，門面仲記得婆婆食開啲咩，值得一讚！野食都好好食，跟餐湯係南瓜湯，唔似罐頭，清甜，主食叫咗燒雞，好Juicy and 滑。配菜都唔馬虎，薯茸至愛，其他蒜/菜都好比心機整，爽甜！下次嚟要試下薯條。特別提提，鋪頭唔算好大，如果多人要早啲訂位。總結，性價比好高，今日同事叫咗豬肋骨，都好惹味，佢平時食嘢都係食兩啖，今日竟然清曬，仲話要再嚟😎

今次叫左沙律，豬鞍，牛扒，三文魚意大利飯。每樣野食都保持極高水準。服務態度超好，雖然座位唔多，但絕對冇趕你走既感覺，飲完湯，先上沙律，再上main course 。慢慢食

11:30食個假日早午餐太和新開嘅餐廳 地方細細 座位唔多 但坐得都舒服 食物即叫即製 有啲似食私房菜嘅感覺上星期試過set lunch後非常滿意 限聚令又冇得出街食晚餐 今天一於踞個中午扒開放式廚房 得大廚一個人 但出品認真又好味招呼客人執枱上菜又係得一位哥哥 但服務係好到你估唔到 街坊小店食到高級西餐廳水準👍🏻質素好性價比高 招呼周到 係好有心去做嘅一間餐廳 真係要去幫襯多啲支持吓😄見好多人食燒豬仔骨 下次要試吓先而家12:30前埋單仲有九折

每年聖誕節都係簡簡單單叫Pizza 食，食得多都真係會悶，所以今次第一次叫到會喺屋企食聖誕大餐！呢間小店我之前去堂食食過一次，食物水準真心掂，而且大廚係前5星酒店獲獎西廚，但個價錢真係令我好驚喜！🍛芝士鮮茄菠蘿焗豬扒飯大廚用上新鮮菠蘿同細細粒嘅蕃茄，豬扒好入味，再加上大量芝士鋪喺面，超惹味！🍝黑松露野菌卡邦尼意粉好香好香，本身唔係好好黑松露，但大廚真係煮得好好食，意粉唔會煮到好淋，最後我食左兩大碗。😆🐔聖誕烤雞好驚喜，隻雞烤得啱啱好，好juicy，連雞胸都好滑。🍖醬燒美式豬仔骨豬仔骨好入味，骨肉分離好容易食到，另外有個汁跟，個汁酸酸甜甜，可以中和肉類嘅油膩感，家人激讚夠細心。👍🏻🍗蜜糖烤雞翼🦀香煎馬里蟹餅🥧雜菜咖哩酥🫕周打蜆湯另外仲有🍮焦糖燉蛋同🍵啫喱杯，不過食晒先記得未影相🤣總括黎講，到會嘅食物份量足有餘，係多到食唔哂，第二日仲食緊🙈，而且真係堅好味唔係講笑；一開始我以為叫到會嘅話，食物拎到返屋企會凍左，但我地拎嘅時候真係熱辣辣，真係好正！今次到會嘅食物，我最鍾意係豬仔骨、黑松露野菌卡邦尼意粉、烤雞同芝士鮮茄菠蘿焗豬扒飯，誠意推介，會繼續支持小店！👍🏻

首先我從未喺openrice寫過食評但我食完好想分享俾其他人知😂等多啲人黎試吓😉今日經過餐廳門口已經有位侍應哥哥好好笑容咁話入嚟試吓於是我同老婆就入咗去食lunch喇當日中午12點半 入面只得一枱客咁我地睇完set lunch menu 最後選咗煎三文魚扒野菌意大利飯 $128茄汁鮮蝦意粉 $88套餐送是日餐湯 嘢飲好似要另外加$8今日就係 椰菜花薯蓉忌廉湯首先講吓環境其實餐廳唔算大一半係廚房 一半係食嘢嘅地方只得2張兩人枱 同 2張四人枱所以如果多啲人嚟食都可能要book枱但當日到我走嗰刻都係得3枱客可能餐廳啱啱開業暫時無咩人知餐廳裝修優美 播住嘅音樂亦配合到環境服務方面餐廳當日只得一個侍應哥哥招呼客人由企門口招待客人 到俾menu 點菜 傳菜 執枱 收錢都係佢負責晒侍應哥哥好有親和力 服務好到位唔會過於熱情 令人感到舒服詳情就自己去感受吓我估佢應該喺餐飲服務打滾過一段時間😌最令我驚訝係埋單先知lunch唔需要加一服務費😳送餐時間廚房好似得一個廚師我見到啲餐喺廚房一個出完 等多陣再出下一個應該係即叫即煮所以唔算等得耐不過如果餐廳full晒 就可能要俾啲耐性如果想快 都唔會嚟西餐廳啦？

今日聽朋友講有一間野好好食於是就去咗點知真係好意外！ 又平又好食真係好難得平時好少寫食評都忍唔住要寫啦！ 😍😍😍食物真好令令而且好好味！ 好似酒店級水平☺️佢有個蒜蓉泥我最鐘意！ 😍一去到間餐廳已經覺得好舒服，裝修好新穎，服務態度又好！ 下次都一定會再食多次😍

今天lunch 來這間試業中的餐廳, 叫咗豬仔骨及紅酒牛肉, 兩樣都非常有驚喜, 牛肉超冧, 豬骨入味, 份量都超值; 紫薯湯濃度適中, 我以為去咗高級食店, 真係估唔到。隔離枱位小朋友已經來過3次, 每次都係食牛, 可想係幾回味; 另ㄧ枱見位男士食燒春鷄, 都聽到佢讚, 賣相令人口水流; 內只可放6張枱,但仍覺舒適, 環境佈置有氣氛, 老闆招呼sincere, 大厨肯定係well trained or 有質素品味, 一定會再來, 支持用心小店。