樂面牛屋 (已結業)

前排去完台灣食刨冰食上癮，個日三點幾一個人經過銅鑼灣諗住去希雲街有名嗰間食番碗，見街口間有台式嘅仙草芋圓又唔使等位就試下啦，點知落完單無耐聽到刨冰機聲，以為好快有得食，但等極都未有，當時得四五枱客又唔見其他客人食，無事做等下就等下，落單計前後等咗15分鐘，又聽到刨冰機聲，見其他客人全部都食緊，應該都係我㗎啦，點知又等多成十分鐘先送上枱，一睇，啲冰好似剌身用嚟墊底咁，死實一片，隻羹要用力拮落去先分得開啲冰，少少鬆軟入口即化嘅刨冰感覺都無，入到口只有粗糙不堪嘅碎冰，仙草芋圓好唔好食都已經唔重要，因為佢註定係一碗失敗嘅刨冰 ，可悲！