影片
更多
2023-02-01
122 瀏覽
之前喺上環返咗工一段時間都冇留意到呢間餐廳👀，但餐廳名實在太特別所以就吸引咗👧🏻去試！「殤城逆流」，意指在一個滅亡中嘅城市逆流掙扎。講返食物先，食物都係以英式為主，飲品就有好多估唔到嘅款式，幾得意😛。🌟英國傳統鱈魚柳Fish and Chips水準不錯，用上好厚身嘅鱈魚柳，肉質結實好有口感。炸衣薄身，胡椒/醃料味道頗濃郁，沙律醬亦有調味。至於薯條🍟就係粗薯條，炸得香脆，薯條唔夠食仲可以Refill😏！🌟傳統英式早餐呢個All Day Breakfast材料就有煙三文魚、珍寶腸仔、煙肉🥓、炒蛋🍳、薯餅、番茄🍅、約克郡布丁同沙律菜🥗，好足料！當中令👧🏻最印象深刻就一定係約克郡布丁Yorkshire Pudding！香港嘅ADB好少有，所以👧🏻都係第一次食，感覺上有啲似較厚嘅泡芙殼，幾有蛋香。另外炒蛋仲加咗Cream嚟炒，質感綿滑。🌟殤城逆流招牌蛋糕今次嘅Signature Cake係檸檬蛋白批🍋，Lemon Curd、燒蛋白同批底嘅比例大概係1:1:1。批底都幾濕潤，檸檬醬酸酸甜甜好開胃，表現中規中矩。🌟呼嘯山莊呢到嘅Mocha口味真係好獨特，有瑪珈、人參。瑪珈呢種SuperFood(平時
🌟英國傳統鱈魚柳
Fish and Chips水準不錯，用上好厚身嘅鱈魚柳，肉質結實好有口感。炸衣薄身，胡椒/醃料味道頗濃郁，沙律醬亦有調味。至於薯條🍟就係粗薯條，炸得香脆，薯條唔夠食仲可以Refill😏！
🌟傳統英式早餐
呢個All Day Breakfast材料就有煙三文魚、珍寶腸仔、煙肉🥓、炒蛋🍳、薯餅、番茄🍅、約克郡布丁同沙律菜🥗，好足料！當中令👧🏻最印象深刻就一定係約克郡布丁Yorkshire Pudding！香港嘅ADB好少有，所以👧🏻都係第一次食，感覺上有啲似較厚嘅泡芙殼，幾有蛋香。另外炒蛋仲加咗Cream嚟炒，質感綿滑。
🌟殤城逆流招牌蛋糕
今次嘅Signature Cake係檸檬蛋白批🍋，Lemon Curd、燒蛋白同批底嘅比例大概係1:1:1。批底都幾濕潤，檸檬醬酸酸甜甜好開胃，表現中規中矩。
🌟呼嘯山莊
呢到嘅Mocha口味真係好獨特，有瑪珈、人參。瑪珈呢種SuperFood(平時男士們可能都會當supplement食)估唔到可以加入飲品！呢兩種材料加咗入Mocha後其實味道唔算太明顯，容易入口。
🌟傾城之戀
傾城之戀就係有胡椒、薄荷🌿、薑黃嘅熱朱古力🍫，呢三種材料同朱古力幾夾，可能係薑黃粉灑滿喺綿花糖上，味道相對突出。有超大粒嘅綿花糖+香濃朱古力味，👧🏻就比較鐘意呢杯飲品！
張貼
