金雞去骨海南雞專門店

營業中

休息中

大家睇番我啲食評，就知小弟對海南雞有一定要求；好食既鷄飯，要滑要有雞味，起碼要有黑豉油同辣醬汁，一定要上熱既雞油飯。以我理解，雞飯係原自馬拉牌檔平民美食，價錢亦應較相宜。今日入西貢，久聞《金雞》大名，門口見秋生試食廣告兼品評，亦係美食街較多人既店鋪之一。要説説一點，明白店舖較少，老闆亦想盡量招呼多幾枱客人，係會要求已安坐既客人即興調枱既。但我認為，既然客人已按店主要求，咁老闆是否有責任上番正確既菜比客人，同跟一跟上菜慢左既單呢。點了二人餐，包半隻海南鷄，肉餅，油菜 和雞油飯。唉。鷄竟然先上但漏了飯。又要追一大輪先有飯食。講番啲嘢食，隻雞的確名不虛傳，滑之餘吾算肥，一入舖就濃濃既雞油香，走骨啖啖肉，黑豉油少甜，辣醬吾辣亦食過更吊味既海南雞醬。一定要提提，佢個咸魚肉餅非常正，未上菜已經聞到咸魚香，仲要輕輕煎過，脆上。不下海南雞美味。總結： 海南雞上乘，肉餅堅美味，平平哋西貢美食。環境，服務，衛生可以更好。