Victorian Rose Tea Room (已結業)

今天和朋友去了一間好正的甜品屋high tea， 創業人Katrina囡囡 + Vicky 媽媽由細到大都好鍾意整甜品，所以就開咗這間甜品屋，朋友說她們母女整甜品會跟十幾廿個師傅，還有學做蛋糕甜品，整出來嘅甜品很好吃，很有心思，而且確保所有甜品都係即日新鮮製造， 所以食物不是即時上枱，要畀小小時間師傅去整。入到餐廳第一個感覺就係非常高貴的英倫風格，餐廳在裝修設計方面花了很多心機，怪不得之前在facebook見到咁多人係到打卡，環境古典優雅，連酒廊、餐廳外牆、電梯的風格都考慮埋。想慳錢又想enjoy到靚的環境，最好就是食個high tea，就算餐廳滿座，空間感仍然好大，唔會嘈。食物方面我最鍾意的甜品係拿破崙紅莓甜品，上面的吉士醬好好食，另外，花茶味道濃沃，沖咗幾壺水都仲好有味道。