影片
更多
2019-05-07
379 瀏覽
《漁獲浜燒》呢間餐廳，我倆已經幫襯過好幾次， 之前的週年慶祝， 就同胖侶一齊嚟擦返餐。尖沙咀這間分店倒是第一次吃， 餐廳位於厚福街盡頭的大廈。和銅鑼灣分店一樣， 餐廳嘅裝修都係以簡約嘅木色為主， 掛滿咗 海產嘅poster， 仲掛有好多員工老闆同藝人嘅合照。前菜細芝麻鹽醬椰菜沙律， 呢個沙律雖然簡單但係感覺相當之清新， 椰菜非常新鮮， 食落口感爽脆之餘， 亦非常甜， 簡簡單單伴以七味粉以及麻醬， 開胃又清新。七味味噌醬， 帶點微辣，味道較為濃郁， 用來點味道較為濃嘅海鮮就最適合不過。柚子胡椒醬， 帶有柚子嘅清新香氣， 唔會搶去海鮮嘅風頭。黑松露炙燒平目魚邊沙律， 呢一道沙律賣相吸引， 紅色嘅車厘茄 ， 配以綠色嘅牛油果， 令人食指大動。牛油果和黑松露非常匹配， 牛油果油潤的口感令沙律菜變得更軟熟， 炙燒過後的平目魚邊 油份溢出， 魚油非常甘香， 好不滋味。魴彿魚刺身， 恕我孤陋寡聞， 呢一種魚真係第一次聽， 咁特別就梗係要試下啦。 原來呢一種魚喺日本非常受歡迎， 而且外型都非常特別， 兩邊有長長嘅魚鰭， 顏色鮮豔， 長相特別， 非常易認。 呢一種魚屬於高級刺身， 肉質爽嫩彈牙 ，又鮮甜
和銅鑼灣分店一樣， 餐廳嘅裝修都係以簡約嘅木色為主， 掛滿咗 海產嘅poster， 仲掛有好多員工老闆同藝人嘅合照。
前菜細芝麻鹽醬椰菜沙律， 呢個沙律雖然簡單但係感覺相當之清新， 椰菜非常新鮮， 食落口感爽脆之餘， 亦非常甜， 簡簡單單伴以七味粉以及麻醬， 開胃又清新。
七味味噌醬， 帶點微辣，味道較為濃郁， 用來點味道較為濃嘅海鮮就最適合不過。
柚子胡椒醬， 帶有柚子嘅清新香氣， 唔會搶去海鮮嘅風頭。
黑松露炙燒平目魚邊沙律， 呢一道沙律賣相吸引， 紅色嘅車厘茄 ， 配以綠色嘅牛油果， 令人食指大動。牛油果和黑松露非常匹配， 牛油果油潤的口感令沙律菜變得更軟熟， 炙燒過後的平目魚邊 油份溢出， 魚油非常甘香， 好不滋味。
魴彿魚刺身， 恕我孤陋寡聞， 呢一種魚真係第一次聽， 咁特別就梗係要試下啦。 原來呢一種魚喺日本非常受歡迎， 而且外型都非常特別， 兩邊有長長嘅魚鰭， 顏色鮮豔， 長相特別， 非常易認。 呢一種魚屬於高級刺身， 肉質爽嫩彈牙 ，又鮮甜。點埋用蘿蔔蓉， 薑蓉，酸汁撈埋嘅酸醋一齊食， 魴彿魚甜味瞬間爆發。
弄好刺身的魚骨仲可以攞去酥炸， 用來做佐酒小吃一流。 脆卜卜， 非常惹味。
來到另一重頭戲， 龍蝦活貝浜燒盛合。 龍蝦傳上枱的時候已經令人興奮得尖叫。 龍蝦體型龐大， 而且非常生猛。 活貝盛合裏面有松葉蟹腳、 帆立貝、活鮑魚和生蠔， 材料相當豐富。
活龍蝦浜燒， 龍蝦非常厚肉， 蝦肉爽口彈牙， 果然不愧為即捕即燒。 係燒之前仲會加上蟹膏， 令味道更加甘甜。 金黃色的蟹膏又鮮甜又甘香， 令燒龍蝦生色不少。
燒松葉蟹腳， 一梳梳嘅蟹肉味道鮮甜， 肉質柔軟。 簡簡單單配以海鮮豉油， 更顯出蟹肉嘅甜味。
活鮑魚浜燒， 生猛的鮑魚放在網上燒看似有點殘忍，不過美食當前， 也不能顧全這麼多。 鮑魚的烹調時間掌握得非常好， 能夠保持煙韌嘅口感， 食落彈牙。 我最喜歡點柚子胡椒醬， 胡椒的香氣令鮑魚更為惹味。
帆立貝浜燒可以有兩款口味選擇， 分別係清酒燒以及牛油燒。
清酒燒帆立貝酒味濃， 清酒的甜味帶出帆立貝的鮮甜， 縱使有酒， 但味道較為清。 一定要飲埋清酒和帆立貝的精華湯汁， 皆因鮮甜無比。
至於牛油燒帆立貝，望落油潤， 一睇已經知道夠惹味。 牛油香氣可以飄到遠處， 帆立貝裙邊爽口彈牙，兩者肉質都非常鮮嫩， 實屬必食推介。
一陣咁完滿的浜燒晚餐有點少得飯後甜品呢？椰子雪葩和番薯雪葩確實出色。 椰子雪葩非常滑溜， 椰子味香濃， 感覺較為creamy。
至於番薯雪葩味道和燴番薯非常相似，味道清甜，口感軟糯，帶有蜂蜜香氣。 食完雪糕之後仲可以攞蕃薯去燒， 微微帶焦黃色的番薯甜度增加， 溫暖的感覺同雪葩形成極大對比， 令人難以忘懷。
是次漁獲浜燒的經驗一如以往般出色， 雖然價錢亦令人印象深刻， 但辛苦搵來自在食， 間中雄一次可以令人忘掉煩惱， 絕對值得。
張貼
