指月 (已結業)

Item: 指月
Rating: 5
Author: Shinchan1993

Themoons

92 食評

味道

環境

服務

衛生

抵食

7240

旺角

$51-100

粵菜 (廣東) 港式粉麵/米線咖喱雲吞/餃子外賣店

Shinchan1993

等級4

1.2K

之前喺旺角搭小巴經過見到有間新開嘅小店叫「指月🌖」。門面裝修似打卡Cafe，但睇餐牌發現原來係食正餐，而且價錢合理，所以早就決定要搵日嚟試吓😜。正藉Happy Friday就約咗朋友喺度食晏。小店面積唔大，我諗座位得大約二十個左右，不過店內木系嘅裝潢，再加埋牆畫同植物作點綴，有一種小清新嘅感覺🌿。餐廳食物主要分幾類，例如有牛腩、餃子、椰菜花飯同特色小食等，每款都帶有港式元素🇭🇰。女店員樓面工作做唔停手，但亦不忘為客人介紹菜式，仲強調全部無添加味精。老火蘿蔔豬骨湯餃子($48/8隻)，我一向都鍾意食湯餃多過煎餃，因為前者比較健康，而且仲可以飲埋個湯。餐廳以蘿蔔豬骨湯作湯底🥕，老火湯滿有住家感覺，味道清甜，我哋成碗飲晒。豬肉餃子有分韭菜同西洋菜兩種🥟，冬天就當然要食西洋菜，菜餡明顯食得出甘味。餃子由店舖師傅每日新鮮包裝，形狀包得靚，餃皮滑溜，厚薄適中，而且成塊都好均勻。伴旁配以自家製辣椒醬🌶同醃蘿蔔，前者辣度唔講得笑，後者微酸開胃，脆卜卜。招牌蘿蔔清湯騸牯牛腩($62)，牛腩係餐廳嘅招牌菜，佢哋選用矜貴嘅本地騸牯牛🐮。牛腩肥瘦得宜，肉質軟稔，肉味強，不過都唔夠湯底出色。蘿蔔清湯牛味極為濃郁

22 瀏覽

0 讚好

0 留言

之前喺旺角搭小巴經過見到有間新開嘅小店叫「指月🌖」。門面裝修似打卡Cafe，但睇餐牌發現原來係食正餐，而且價錢合理，所以早就決定要搵日嚟試吓😜。正藉Happy Friday就約咗朋友喺度食晏。

21 瀏覽

0 讚好

0 留言

小店面積唔大，我諗座位得大約二十個左右，不過店內木系嘅裝潢，再加埋牆畫同植物作點綴，有一種小清新嘅感覺🌿。

餐廳食物主要分幾類，例如有牛腩、餃子、椰菜花飯同特色小食等，每款都帶有港式元素🇭🇰。女店員樓面工作做唔停手，但亦不忘為客人介紹菜式，仲強調全部無添加味精。

老火蘿蔔豬骨湯餃子($48/8隻)，我一向都鍾意食湯餃多過煎餃，因為前者比較健康，而且仲可以飲埋個湯。餐廳以蘿蔔豬骨湯作湯底🥕，老火湯滿有住家感覺，味道清甜，我哋成碗飲晒。豬肉餃子有分韭菜同西洋菜兩種🥟，冬天就當然要食西洋菜，菜餡明顯食得出甘味。餃子由店舖師傅每日新鮮包裝，形狀包得靚，餃皮滑溜，厚薄適中，而且成塊都好均勻。伴旁配以自家製辣椒醬🌶同醃蘿蔔，前者辣度唔講得笑，後者微酸開胃，脆卜卜。

招牌蘿蔔清湯騸牯牛腩($62)，牛腩係餐廳嘅招牌菜，佢哋選用矜貴嘅本地騸牯牛🐮。牛腩肥瘦得宜，肉質軟稔，肉味強，不過都唔夠湯底出色。蘿蔔清湯牛味極為濃郁，散發出牛脂香味，真材實料，但又唔會過鹹或油膩。由於無落味精，飲完都唔口乾。湯底咁正，配上新竹米粉就最適合不過🍜。米粉麵條幼細，口感幾彈牙，浸住湯都無變淋，而且非常掛湯。

XO醬肉鬆蝦仁無米炒飯($72)，無米炒飯其實係指椰菜花飯🥦，雖然我並非生酮人士，但有時食吓都唔錯，因為無咁飽滯，不自覺間仲食多咗。椰菜花飯嘅菜式唔算罕見，一般以西式煮法為主，就好似意大利飯Risotto配醬汁咁；不過餐廳以港式炒飯咁整就第一次見！用XO醬炒「飯」滿有鑊氣，菜粒好爽兼入味，每啖都食到蛋、肉鬆同蔥等，另外仲有新鮮蝦仁🦐，風味十足。伴旁送多兩粒話梅車厘茄，酸酸甜甜好得意。