燒烤堂 (已結業)

新蒲崗呢個地方一向好少去不過聽朋友講有間串燒好正 佢主打手工串燒今日一試 真心覺得每一樣都好正 而且兩個店員都非常有禮其實佢做緊生啤買一送一嘅優惠 不過朋友唔好酒 所以我地揀咗普通飲品配串燒 今次食咗呢啲:台灣雞泡魚乾:同平時韓國手信雞泡魚乾真係差好遠雞泡魚乾有返少少厚度 好有口感但唔會有魚腥味 好香口鹽燒窩筍,秋葵:燒得啱啱好 窩筍秋葵裡面都好juicy 外面有少少鹹脆 燒牛舌:厚切牛舌 味道一流 如果可以多少少更佳麻辣蒜蓉茄子:茄子都幾足料 係粗身啲嗰隻 一絲絲茄子墊上啖啖蒜蓉同辣醬 好好食鹽燒白鱔:好驚喜 外脆內嫩帶軟滑 而且上菜時好熱 拖出黎仲有白煙出麻辣墨魚咀,炒鴨舌:其實都幾麻辣 我嗜辣 所以好適合我 如果唔識得辣就要留意辣度 友人唔食得麻辣 不過佢都食咗超多 因為真係好惹味 得海苔黑豚肉鵪鶉蛋:呢個又係得 三種層次 特別在於佢嘅鵪鶉蛋係有啲流心 令到成個口感更加豐富 Must eat item惹咪鹹蛋黃豬大腸:其實我平時一般般豬大腸 因為炸大腸成日有陣味同好肥膩 但呢個串燒無呢個問題 而且有嚼口 喜歡鹹蛋黃嘅不妨一試芝士燒廣島蠔:雖然得兩隻蠔 不過佢用錫紙兜上 所以裝咗好