倚窗閣

營業中

休息中

以前來食過幾次都覺得唔差，但今次再來覺得都頗為失望。晚餐做了七折都要差不多500蚊一位。海鮮凍盤都係普通野，有長腳蟹，麵包蟹，翡翠螺，小龍蝦。沒有生蠔供應! 龍蝦要叫職員夾俾你的，慌死人拎得多龍蝦咁，好小家。重點喺，啲龍蝦只係得雪藏味，完全無鮮味，基本上亦無任何味道，我唔知自己食緊乜。沙律方面諗住整個凱撒沙律自己食下，點知佢竟然無提供最基本的生菜，很荒謬。熱盆嘅野都係普普通通，竟然有一款叫部隊鍋，入面係廚師腸同午餐肉，冇野下話！？cheap成甘間中會搖鈴叫人出去拎食物，拎左份火焰雪山，食得出係好cheap好鞋既蛋糕底同cream。唯一可取係有movenpick冧酒提子味雪櫃。還有，整間餐廳(酒店)的裝潢仍然停留在90年代，深色的舊木枱木椅，披哂口的假天花和天花燈裝修，令人感覺仿如隔世。其實對誠哥旗下的酒店，真的不需有乜期望，每間長實酒店都係停留在8，90年代的裝潢，殘殘舊舊，身為首富旗下，從來不肯花錢翻新下，淨係一味cut cost, 十分諷刺。難怪weekend嘅dinner buffet全場三分一都坐唔滿。總結，半價都未必會再來。