不二江湖菜

營業中

休息中

睇開我啲post既朋友應該估到，我超鐘意食辣野，最近我發現銅鑼灣登龍街有間超抵食嘅江川菜餐廳——不二江湖菜！呢度嘅辣味真係正宗到爆，而且性價比超高，無論你係辣味愛好者定係平時鐘意試新野嘅朋友，都一定要嚟試下。口水雞一上枱就聞到香氣四溢嘅口水雞，雞肉滑嫩多汁，配上香辣嘅醬汁，真係一啖接一啖停唔到口。作為開胃前菜真係一流。辣子雞辣子雞絕對係呢度嘅招牌之一，今次我叫左大辣，雞肉外脆內嫩，滿滿嘅辣椒同花椒一齊炒，辣味十足，食完真係辣得過癮！每一啖都係香辣撲鼻，仲有少少麻味，鐘意食辣既朋友一定唔可以錯過。磁器口毛血旺毛血旺呢道菜真係份量十足，入面有鴨血、毛肚、黃喉、午餐肉等多種配料，每一樣都吸晒香辣嘅湯底，味道非常濃郁。鴨血滑嫩，毛肚爽脆，黃喉有嚼勁，午餐肉亦都吸晒湯汁，每一口都係唔同嘅口感，非常過癮。鹹檸可樂一般餐廳真係好少見到有鹹檸樂，見到就緊係要試下，酸酸甜甜再加少少鹹味，非常好飲。食住辣野再配上一杯傳統飲品，解辣之餘又解膩。呢度嘅性價比真係超高，叫到成枱菜都係超抵食，仲要白飯係免費任加。而且辣味真係正宗到不得了，無論你係辣味新手定係食開辣，都一定會愛上呢度嘅滋味。