影片
更多
2023-06-04
271 瀏覽
📌 Tempura Jiro📍 中環士丹利街50號信誠廣場地下E號舖☎️ 27808666★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*我鍾意食日本嘢，尤其係Omakase，因為乜都唔知，每每帶出驚喜。呢日同朋友食比較少見嘅天婦羅Omakase。餐廳位處中環鬧市，但一入店就好似去咗另一國度，環境非常寧靜。全程坐喺吧枱，望住日本師傅村上さん🧑🏼🍳小心翼翼地將各款食材掃粉，裹漿，落油，聽到好細嘅嘀嘀噠噠油炸聲，全店沒有丁點油煙味，舒適享受。枱上備有松露鹽、綠茶鹽、海藻鹽、梅子鹽同青檸；當然唔少得天婦羅汁同蘿蔔絲蓉啦。午市Omakase ($880/位）💫 赤身刺身色澤紅潤，魚味濃及鮮甜，口感彈牙緊緻。💫 三文魚籽海苔天婦羅一塊海苔都可以天婦羅咁炸。薄身海苔好脆口，加埋咸香三文魚籽，十分出色。😋💫 花竹蝦頭及花竹蝦炸漿好薄，蝦頭蘸海藻鹽，蝦身滴少許青檸汁再洒少少海藻鹽，濃濃蝦味，金黃酥脆。💫 蘆筍、粟米、椎茸、九州紅遙蕃薯蘆筍幼嫩有汁，粟米清甜可口，椎茸釀咗蝦肉，厚肉有口感。九州紅遙蕃薯🍠口感細滑軟綿，入口香甜無渣，兩小件唔會話好滯。
📍 中環士丹利街50號信誠廣場地下E號舖
☎️ 27808666
★*"`'*-.,_,.-*'`"*-.,_☆,.-*`'`*-.,_,.-*`'`*★-.,_,.-*
我鍾意食日本嘢，尤其係Omakase，因為乜都唔知，每每帶出驚喜。呢日同朋友食比較少見嘅天婦羅Omakase。
餐廳位處中環鬧市，但一入店就好似去咗另一國度，環境非常寧靜。全程坐喺吧枱，望住日本師傅村上さん🧑🏼🍳小心翼翼地將各款食材掃粉，裹漿，落油，聽到好細嘅嘀嘀噠噠油炸聲，全店沒有丁點油煙味，舒適享受。
枱上備有松露鹽、綠茶鹽、海藻鹽、梅子鹽同青檸；當然唔少得天婦羅汁同蘿蔔絲蓉啦。
午市Omakase ($880/位）
💫 赤身刺身
色澤紅潤，魚味濃及鮮甜，口感彈牙緊緻。
💫 三文魚籽海苔天婦羅
一塊海苔都可以天婦羅咁炸。薄身海苔好脆口，加埋咸香三文魚籽，十分出色。😋
💫 花竹蝦頭及花竹蝦
炸漿好薄，蝦頭蘸海藻鹽，蝦身滴少許青檸汁再洒少少海藻鹽，濃濃蝦味，金黃酥脆。
💫 蘆筍、粟米、椎茸、九州紅遙蕃薯
蘆筍幼嫩有汁，粟米清甜可口，椎茸釀咗蝦肉，厚肉有口感。九州紅遙蕃薯🍠口感細滑軟綿，入口香甜無渣，兩小件唔會話好滯。
💫 沙錐魚💫 海鰻天婦羅
兩款魚都將魚骨分開，魚骨香口可蘸鹽，軟腍魚身點天婦羅汁減低油膩感，
💫 香魚
原條香魚，炸完都保持住好似游緊水嘅形態。活靈活現充滿生命力。食落魚骨酥脆，魚肉甘甜。
💫 蝦餅天婦羅飯/黑松露流心蛋飯
有兩款丼可以選擇，蝦餅天婦羅好薄漿；黑松露片都幾多，加埋炸嘅流心蛋伴飯一流， 兩款飯各有特色，同朋友一人一款share食就最啱喇。
套餐另附蜆肉麵豉湯、海苔茶碗蒸、沖繩黑糖雪糕。整個用餐過程一路欣賞日本師傅一絲不苟嘅製作，每上一道菜前都會換隔油紙，食物好食之餘，有心思嘅擺盤令每件天婦羅不單是一件美食，更係一件藝術作品，賞心悅目。呢餐真係💯。原來天婦羅都可以食得咁精緻，下次一定要試下佢嘅晚餐！
張貼
