小肥牛火鍋活魚專門店 (已結業)

之前去過葵涌分店食過, d食物都幾新鮮. 佢地d手切肥牛, 蟹子墨魚滑, 魚刺身.. 等等都幾ok. 所以同d朋友出開旺角聚會, 就試下太子呢間.因為之前o係葵涌叫左2個特色湯底都覺得麻麻, 唔記得個名, 1個係個侍應o係我地面前先落油加蔥等炒慶個鑊, 再加d酒&成隻蟹落去炒, 再加湯, 都幾得意. 另1個係類似醉鷄鍋咁有d酒o既湯底. 不過2個要唻打邊爐覺得個味怪怪地. 所以今次唻太子, 我地叫返普通湯底.呢度d食物食落無葵涌個邊個d咁讚. 唔知係新鮮問題定點, 總之無咩驚喜. 我地叫左d蚌呀, 雪花肥牛, 牛肉粒等.. 無咩特別囉. 同出面其他打邊爐差唔多. 之前去葵涌我地反而覺得可以encore喎, 不過可能叫得多特別少少o既料, 所以價錢以打邊爐唻講, 其實都有少少偏貴.呢度唯一好d就係環境好d, 我地個晚多人開大枱坐房, 不過叫野食同追單簡直係煎熬, 坐門口附近個朋友仔, 不停要行出去叫侍應. 最慘d侍應又好唔主動, 唔會間唔中入唻睇下我地有無需要, 環境好d都咁話啦.