影片
更多
2015-09-13
1821 瀏覽
第一次係openrice留言，今日係三木食飯真係不吐不快。咁大個人第一次比餐廳black list，你地試過未?當然，我都black list咗呢間餐廳。首先係食物方面，款式算多但質素一般。熟食偏咸，攪到唔敢比小朋友食，蟹粥有怪味，帶子刺身身超細粒，蝦唔算新鮮，有D魚生仲腥腥地。另外，餐廳D枱排到密麻麻，椅子想移後少少都冇位。不過二佰幾食日本放題，我心中的要求都唔高。另我black list間餐廳係員工的服務質素。話說食客需要填紙落order，我地只係落咗一轉order，點知手卷黎咗1轉，又黎第2轉。我地見黎到唔想浪費就照食, 點知又黎第3轉，我地同個侍應(叫阿JAN)講冇落order，佢一口咬定話有。我就同佢講，你黎3轉手卷，你比返3張order紙我睇。估唔到佢拋返我轉頭，好惡咁講:係咪我搵到你就食? 我心諗你咩態度，不過見同屋企人慶祝生日，唔爆住:冇問題，你搵到咪放低羅。最後佢當然冇返黎。之後重攪笑，埋完單，我地起晒身準備走啦，阿JAN又出現，用命令語氣講: 你地D刺身要食多D。吓?咩叫食多D，我見其他枱都有食剩野，同點解要係刺身。佢接住話，食剩野要罰款。我到個一刻先知原來間餐廳有
當然，我都black list咗呢間餐廳。首先係食物方面，款式算多但質素一般。熟食偏咸，攪到唔敢比小朋友食，蟹粥有怪味，帶子刺身身超細粒，蝦唔算新鮮，有D魚生仲腥腥地。
另外，餐廳D枱排到密麻麻，椅子想移後少少都冇位。不過二佰幾食日本放題，我心中的要求都唔高。另我black list間餐廳係員工的服務質素。
話說食客需要填紙落order，我地只係落咗一轉order，點知手卷黎咗1轉，又黎第2轉。我地見黎到唔想浪費就照食, 點知又黎第3轉，我地同個侍應(叫阿JAN)講冇落order，佢一口咬定話有。我就同佢講，你黎3轉手卷，你比返3張order紙我睇。估唔到佢拋返我轉頭，好惡咁講:係咪我搵到你就食? 我心諗你咩態度，不過見同屋企人慶祝生日，唔爆住:冇問題，你搵到咪放低羅。最後佢當然冇返黎。
之後重攪笑，埋完單，我地起晒身準備走啦，阿JAN又出現，用命令語氣講: 你地D刺身要食多D。吓?咩叫食多D，我見其他枱都有食剩野，同點解要係刺身。佢接住話，食剩野要罰款。我到個一刻先知原來間餐廳有咁既規矩。我問佢其他人係咪都有罰款呀，佢又話有。其實我並唔係想浪費，不過食剩嗰D刺身真係唔好食。我就同阿JAN講，你經理係唔係度，不如等我同佢講。阿JAN: 我就係經理。我火都黎，再問:咁不如我同你老細講啦。佢表情KEEP住面黑:老細唔係度。我:唔係度就叫佢打比我。我頭也不回就走了。
戲玉黎啦，唔夠2分鐘，有位男經理打比我，問有咩幫到我。我心諗你有咩可以幫我? 不過見你打到黎我點都講2句: 你經理阿JAN點點點… 好冇禮貌WO。點知個男經理即刻著火: 我地已經black list咗你，唔歡迎你再黎。好野，我第一次比人black list，我問:你叫咩名? 男經理: 我叫….(講咗個英文名)。咁啱入Lift聽唔清楚，我叫佢再講多次。男經理: 如果你英文唔好，駛唔駛我講中文名比你聽，我叫蔡子健，歡迎你投訢，但處理投訢嗰個都係我。
今日除咗比人black list，重要比人話英文差，另外投訢都冇用，最後只好係OPENRICE留言。有點長，不過真人真事，多謝收看。
張貼