Co-Dining Space (已結業)

而家尖沙咀真係好多人，要搵個地方靜靜地食飯真係唔容易，所以今日選擇向上發展，搵樓上CAFE。呢間喺尖沙咀廣東道(近APPLE專門店)嘅Co-Dining Space，一出電梯就見到幅咁有特色嘅牆，感覺時尚。門外黑板已貼上餐牌，讓顧客等位時可揀定心水食物，當你入座時就可以立即order食品，慳番唔少時間。四周又掛了不同壁畫，連我都覺得自己文青左呀。呢度無套餐供應，主要分開前菜、主菜、小食及甜品等等。呢次唔係平日食果啲白汁或者忌廉汁煮青口，而係用上較少接觸嘅芝士。加上青口嘅鮮味，感覺更有層次，口感更豐富一啲。主菜點左呢個醬燒bbq汁豬肋骨，份量算大，醬汁相當惹味可口，配上同樣份量十足嘅炸薯條，兩個人食都夠飽呀。喺尖沙咀區如果想靜靜地傾下計食下野，搵樓上cafe確係一個幾好嘅選擇。