老蔡台灣牛肉麵x茶茶滾

營業中

休息中

今日去遊車河，又係入大尾督食下午茶，今日晏晝唔想食咁飽見到呢間台灣菜就試吓，車可以泊隔離店舖，免費的，都成下晝四點幾，有午餐Menu牛肉麵都係$60咁緊係食呢個啦，見佢滷肉飯有隻蛋於是我問店員個麵可唔可以加隻蛋，佢竟然問我要糖心蛋定要熟蛋？問佢咩蛋佢話係蘭王？不過就要加$10，蘭王都係+10$？最後我都加了，加埋杯香芋珍珠都係$80，差唔多啦。先講吓碗麵，熱辣辣上枱好香，湯底濃郁牛骨味，藥材味，麵條Q彈牛肉入口即化，仲有小小筋肉住超正，有菜，有羅白，蔥花，隻蘭王蛋真係比100分，就算其他拉麵舖佢都未必捨得比呢隻，加隻蛋又幾好食喎👍🏻建議下次都可以加隻糖心蛋，因為我兩啖食左所以無影相，太幸福了。另外會香芋珍珠我叫咗小珍珠（驚肥）甜度適中，香芋味濃，珍珠Q彈食物飲品都好有心機整，唔錯。