影片
更多
2012-09-26
386 瀏覽
同學話帶我地去重慶大廈食咖哩，本身有d驚，但只要過左係門口有一堆人衝埋黎果關，入到去真係比想像中好好多！餐廳係三樓，一行入去好有屋企feel，坐落好舒服，唔驚俾人催。仲有好多印度人係到食飯，電視又播印度電影，好有趣。本身想散叫，但個待應立即同我地介紹四人餐，有前菜，一個鐵板，三個咖哩，飯，薄餅，同埋飲品。我地叫左咖哩角、鐵板鯧魚、勁辣咖哩雞、椰汁羊肉、咖哩芝士、芝士薄餅，同埋芒果/ 士多啤梨乳酸。首先佢會上個湯，一人一碗，少少咸味，飲落似係打左蛋花既水。之後係咖哩角，個皮好脆，有少少硬。通常食到都係薯溶，佢呢個係薯仔粒，食落好有黏性，唔粉果種薯仔。令我諗起係北京食到既薯仔！真係好好食，super like！鐵板鯧魚與士多啤梨乳酸。個魚係魚執，表面係咖哩粉炒既咁。有少少辣，但魚本身乾乾地，唔係juicy果種，但又未致於柴。唔知係咪鐵板既關係，表面睇落都幾焦。食得落，但未到鍾意。芝士脆片與芒果乳酸，個薄餅勁似薯片，好脆，好重芝士味。不過上面灑左好多胡椒鹽，都幾咸，食之前要抖一抖佢，唔係咸死。芒果乳酸中杯size，似溝左水既益力多加芒果汁，淡淡地咁。味道OK，但對於要食辣既人黎講應該完全唔夠
但只要過左係門口有一堆人衝埋黎果關，入到去真係比想像中好好多！
餐廳係三樓，一行入去好有屋企feel，坐落好舒服，唔驚俾人催。仲有好多印度人係到食飯，電視又播印度電影，好有趣。
本身想散叫，但個待應立即同我地介紹四人餐，
有前菜，一個鐵板，三個咖哩，飯，薄餅，同埋飲品。
我地叫左咖哩角、鐵板鯧魚、勁辣咖哩雞、椰汁羊肉、
咖哩芝士、芝士薄餅，同埋芒果/ 士多啤梨乳酸。
首先佢會上個湯，一人一碗，少少咸味，飲落似係打左蛋花既水。
之後係咖哩角，個皮好脆，有少少硬。通常食到都係薯溶，佢呢個係薯仔粒，食落好有黏性，唔粉果種薯仔。
令我諗起係北京食到既薯仔！真係好好食，super like！
鐵板鯧魚與士多啤梨乳酸。個魚係魚執，表面係咖哩粉炒既咁。有少少辣，但魚本身乾乾地，唔係juicy果種，但又未致於柴。
唔知係咪鐵板既關係，表面睇落都幾焦。食得落，但未到鍾意。
芝士脆片與芒果乳酸，個薄餅勁似薯片，好脆，好重芝士味。不過上面灑左好多胡椒鹽，都幾咸，食之前要抖一抖佢，唔係咸死。
芒果乳酸中杯size，似溝左水既益力多加芒果汁，淡淡地咁。
味道OK，但對於要食辣既人黎講應該完全唔夠飲。
芝士薄餅與極辣咖哩雞，係薄餅上面加咖哩真係勁好食，佢中間仲夾左少少芝士，唔係好覺，但又因為加左芝士，食落無食包咁滯。
就算凍左個薄餅都唔硬，比出面賣既麵包仲好食。個雞就好辣，
我唔敢試，不過同行友人話佢係一入口唔覺辣，但等一陣會辣入喉嚨。
椰汁羊肉真係好好味，首先羊肉無咩香料味，但真係一d都唔羶，又夠林身，吸哂d咖哩味，加係薄餅上面夾住食，真係好正。
雖然話係椰汁，但又無話太重椰汁味，總之係全部恰到好處。好鍾意。
本身仲有個咖哩芝士，但果個質地唔似芝士，似係黏口既豆腐卜。
同埋無咩咖哩味，反而好重青椒味。唔多推薦，最無人郁就係呢個。
呢個唔知係咩飯，d米好長，食落有少少似煮唔熟既飯，硬硬地咁。朋友話佢好重香料味，我覺得還好，但真係食唔慣呢種口感既飯。
我覺得咖哩黎講呢到真係唔錯，但其他小菜要慎選。
值得一讚係個環境同待應都好好，超有禮貌又好熱心。
張貼
