Burger Land (已結業)

中學開學之後，路德圍附近嘅餐廳喺中午時間都十分full。今日難得見到呢間餐廳有位，我即刻衝入去試。眼見全間店舖得兩位員工，都已經預咗要等一段時間先有得食。不過最後食物比我想像中快到，去counter俾完錢之後坐定定等店員拎過嚟之間唔使10分鐘。午市套餐：牛肉芝士漢堡+細沙律+水果茶走冰走飲管 ($69）成個餐又整得幾靚 啲沙律菜🥗好新鮮，雖然唔知啲白色嘅沙律汁係咩汁，不過好好味好fresh。牛肉芝士漢堡🍔個餡有牛肉漢堡扒、兩隻芝士🧀、煙肉🥓、番茄🍅、洋蔥、生菜🥬，夠有營養。不過我比較食唔慣塊麵包太厚。唔想飲凍野，水果茶我揀咗走冰走飲管。果茶中有熱情果核(酸酸甜甜的)、蘋果🍎、橙🍊、檸檬🍋，甜度適中，唔知有冇額外加到糖漿，飲落似冇。後來望隔離枱先知原來有得揀熱嘅水果茶。呢個鋪位之前都係做burger，不過唔同店名。今次呢間Burger Land嘅burger唔錯，整得比較靚，又比以前出餐快，午餐還可以配沙律、水果茶，健康值提升。值得再返嚟！#支持小店