影片
更多
2006-01-19
9 瀏覽
睇上期既新假期介紹呢間野既芝士火鍋, 咁尋日就走去吃啦.環境: 好麻麻, 咁既價錢(之後再講價錢), 一O的都冇高級餐廳既格局. O的侍應都OK, 不過serve我果個係trainee 到唔trainee. 我問佢個pizza 幾大, 6inch, 9 inch 定12 inch 果o的, 佢好明顯係唔知點答我. 最後佢話比我聽隻碟咁大!! 我心稔, 咖啡碟定豉油碟呀!! 坐就舒服既, 佢安排左我兩個人坐張四人枱. 味道: 我點左一set 芝士火鍋(包括有龍蝦湯一客, 芝士火鍋一個, 一碟火鍋用海鮮有特色焗生蠔兩隻, 生蠔兩隻, 雞肉牛肉魚片各三小塊, 青口兩隻, 雜菜少許. 再有一個甜品心太軟), 再點左一個蒜蓉焗磨菇, 同埋一個海鮮pizza. 佢先黎龍蝦湯, 幾好味, 有陣陣既蝦膏味. 再黎焗菇, 非常好味. 佢加左少少酒同生洋葱粒, 吃落口爽爽地, 好好味. 之後黎pizza, 麻麻, 普通pizza一個. 之後鬼咁耐都未黎個芝士火鍋, 咁我問番個侍應, 個侍應比我既答案係"稔住等你吃完先上比你, 驚唔夠位擺." 我真係極度無奈, 有乜可能唔夠位擺?!?!?!? 同埋擺到明個火
環境: 好麻麻, 咁既價錢(之後再講價錢), 一O的都冇高級餐廳既格局. O的侍應都OK, 不過serve我果個係trainee 到唔trainee. 我問佢個pizza 幾大, 6inch, 9 inch 定12 inch 果o的, 佢好明顯係唔知點答我. 最後佢話比我聽隻碟咁大!! 我心稔, 咖啡碟定豉油碟呀!! 坐就舒服既, 佢安排左我兩個人坐張四人枱.
味道: 我點左一set 芝士火鍋(包括有龍蝦湯一客, 芝士火鍋一個, 一碟火鍋用海鮮有特色焗生蠔兩隻, 生蠔兩隻, 雞肉牛肉魚片各三小塊, 青口兩隻, 雜菜少許. 再有一個甜品心太軟), 再點左一個蒜蓉焗磨菇, 同埋一個海鮮pizza. 佢先黎龍蝦湯, 幾好味, 有陣陣既蝦膏味. 再黎焗菇, 非常好味. 佢加左少少酒同生洋葱粒, 吃落口爽爽地, 好好味. 之後黎pizza, 麻麻, 普通pizza一個. 之後鬼咁耐都未黎個芝士火鍋, 咁我問番個侍應, 個侍應比我既答案係"稔住等你吃完先上比你, 驚唔夠位擺." 我真係極度無奈, 有乜可能唔夠位擺?!?!?!? 同埋擺到明個火鍋係重點, 要我吃晒o的pizza 先黎呀!! 真係比佢吹漲. 芝士火鍋黎, 個鍋好多芝士, 一定唔會擔心需唔需要加同唔夠飲. 但o的海鮮同雜誌既相就差太遠喇. 雖然我預左差o的, 但估唔到差好遠. o的蠔好細隻, 冇乜口感. o的雞牛魚好細塊又少. 唯獨真係個芝士鍋好有芝士味同量好多.
乾淨: 就真係麻麻, 佢上芝士火鍋時我仲見到隻碟有隻好細隻既生蟻. 之後個侍應幫我換碟時, 隻新碟好明顯係岩岩洗完未乾, 仲濕. 唉...
雖然食物有可取有不可取, 但我唔會再去呢間囉.
張貼