金兜記海鮮菜館

營業中

休息中

今晚市面比較平靜可以約齊來自唔同區份的親人一同到灣仔食飯補祝太太生日，原本開開心心的飲局竟被這𥚃的服務員徹徹底底的破壞！事緣我們點了任食大閘蟹套餐，蟹雖然細隻但質素不差；當我們食到第三輪的時候，一位衣著看似比較高級啲女部長竟然從一堆我哋棄置的蟹殼垃圾當中徒手拿出一舊話我哋食得唔乾淨，語氣之差⋯⋯⋯⋯連自己也從沒有用這個語氣駡過幾歲大的女兒，更何況我哋係你的客人，當其時自己需然非常不滿和憤怒但都平心靜氣解釋我們不喜歡食白膏蟹及有腥味；同時間另外一個部長經過用鄙視的語氣叫我地上網睇下白膏係好嘢，意思話我地唔識食⋯他們這種＂恐嚇＂式的服務態度逼到我老爸差點要拍枱走人⋯⋯活在當下已經不簡單，難得一家人花上幾千蚊諗住可以食餐安樂茶飯原來也這樣困難，唉⋯