十大碗粥麵專家

營業中

休息中

呢間餐廳好耐之前食過一次， 覺得佢哋嘅雲吞麵好好食，所以今日專登帶朋友嚟一齊食，諗住試多幾個唔同嘅菜式。我哋就叫咗一碗雲吞麵，薑絲豬什撈粗， 仲有一份炸兩。首先講吓佢哋嘅雲吞麵，唔會太大碗，食到佢哋雲吞麵之餘仲會可以有肚食其他菜式，而湯底方面，我就覺得唔錯，有味得來唔會太鹹， 而且雲吞嘅大細啱啱好，可以一啖放晒落口。至於豬什撈粗方面， 我就覺得佢哋嘅豬雜都處理得唔錯， 唔會有一浸雪味， 同埋豬嘅蘇味，而且會搭埋薑蔥絲， 食落好夾。佢哋嘅炸兩都做得唔錯，無論醬汁，同埋炸兩本身嘅質感，都配搭得好好！推薦大家去開太子又諗唔到食咩嘅話可以試吓佢