天天潮州粉麵 (已結業)

星期日兩點食開果間金x冇位，焗住行去第二度搵食，點知越行越遠，去咗商場另一邊嘅盡頭，好深入，而且冇乜遊人行來行去。其實間舖開咗好耐，只係極少行入去，幾年前食過一次牛腩麵，冇乜特別記憶。今次係第二次幫襯，成個舖位做咗廚房，幾張大圓枱放晒喺走廊欄杆邊，變得好闊落，坐得好舒服，冷氣都好足夠。點咗牛孖筋雲吞麵，牛孖筋好香滑，微軟，切大件長條形，口感唔錯，份量多，唔走刺激路線；雲吞比較淡口，有蝦有肉，蝦轆好大隻；湯低唔咸。整體好大碗好充實好舒服。