Deserve Better Toast & Coffee (已結業)

超高質Toast當之無愧。deserve better一直係我私藏嘅舖頭，原諒我嘅自私，因為小店舖面真係細，所以座位有限，大約4-6個人左右，所以除左同身邊友好豪情推介之外，一直都無寫Openrice食評，驚太多人會潮聖。但我呢個星期日去食驚悉小店做到本月尾就會結業，頓時感到睛天pig pig，因為要食toast，我會專登揀weekend過灣仔上gym class，宜家好似無咗動力咁😣希望店主快d再搵到第二個舖位重新岀發啦🤟🏻講番個Toast，每次例牌會同男朋友一人叫一個手打安格斯牛芝漢堡。裡面有塊超多汁嘅漢堡扒，煎完肉汁依然非常juicy，濃香嘅肉味配埋佢特制嘅醬汁，絕對令人回味無窮。再者，佢塊蛋有椰菜同粟米粒係裡面，層次、口感同味道都係我响岀面食唔到嘅配以熱百香果檸檬茶，更加refresh. 就好似佢店名一樣，”deserve better”，難得假期忙裡偷閒，又點可以唔對自己好d呢🤗