八方雲集鍋貼水餃專門店 (已結業)

早早放工陪媽咪去買結婚禮物。買之前食小小嘢醫肚，貪近同有位就坐底左。呢度環境衛生要改善一下，因為枱底好多垃圾，見到都吾想坐底。但媽咪話冇所謂就算。枱面已經擺左點心紙，就甘剔就得。我地試叫佢招牌、韓式泡菜，同韭菜口味。即叫即整，但火喉未夠。鍋貼煎到啲皮幾脆，但上面仲係軟左啲。至於水餃，皮好厚。所有餡料都好淡，好似幾健康甘，但其實油吾少。我地都覺得質素一般，冇想再食既衝動，至於價錢算接受到。俾我再擇，我寧願食君戶，平靚正，係要忍耐一下侍應阿姨態度啫。