影片
更多
2019-01-13
104 瀏覽
細個既時候係觀塘區讀書間唔時都會去九龍灣附近同中學同學打打牙骹聚聚舊好多時淘大或者德福都好多人所以我地就會去就近既德寶覓食最近發現既一個好聚腳點就係依間位於德寶地下既 大漁屋台鋪頭既野食大約都係$20至80蚊依個價位今次我地幾個朋友又過來食野打下牙骹三個女仔食唔多 主要叫串燒、關東煮、鍋物為主今次就叫左麻醬蕃茄豆腐沙律 $52頭盤梗係來番個清清地既開胃菜涷得來又軟滑既豆腐搭配埋蕃茄、生菜同埋麻醬相當之夾酸酸甜甜帶麻香既味道 食完好開胃同埋我地都叫左唔同既小食 邊食邊吹水串燒：杏鮑菇 $16、安格斯牛肉串燒$32、雞頸肉串燒 $22、鯖魚串燒 $18我個人好鐘意依個鯖魚串燒唔單止店家挑走晒所有骨一啖咬落去啖啖都係魚肉而且店家燒得十分香口 加埋少少檸檬汁味道岩岩好！而朋友就鐘意安格斯牛肉串燒最多時食肉類串燒 最怕D肉又乾又UN店家燒既火喉剛剛好牛肉入面仲好JUICY同埋牛味十分不愧係安格斯～！關東煮：准山魚卷 $12、野菜油豆腐$16、椰菜卷$16、雞胸軟骨丸$15日本既小食又點少得關東煮呢～好多時係香港食到既關東煮都融合左香港既特色…唔夠日本但店家既關東煮完全完美重現日本既風味！～個
間唔時都會去九龍灣附近同中學同學
打打牙骹聚聚舊
好多時淘大或者德福都好多人
所以我地就會去就近既德寶覓食
最近發現既一個好聚腳點
就係依間位於德寶地下既 大漁屋台
鋪頭既野食大約都係$20至80蚊依個價位
今次我地幾個朋友又過來食野打下牙骹
三個女仔食唔多 主要叫串燒、關東煮、鍋物為主
今次就叫左
麻醬蕃茄豆腐沙律 $52
頭盤梗係來番個清清地既開胃菜
涷得來又軟滑既豆腐
搭配埋蕃茄、生菜同埋麻醬相當之夾
酸酸甜甜帶麻香既味道 食完好開胃
同埋我地都叫左唔同既小食 邊食邊吹水
串燒：杏鮑菇 $16、安格斯牛肉串燒$32、雞頸肉串燒 $22、鯖魚串燒 $18
我個人好鐘意依個鯖魚串燒
唔單止店家挑走晒所有骨
一啖咬落去啖啖都係魚肉
而且店家燒得十分香口 加埋少少檸檬汁
味道岩岩好！
而朋友就鐘意安格斯牛肉串燒
最多時食肉類串燒 最怕D肉又乾又UN
店家燒既火喉剛剛好
牛肉入面仲好JUICY同埋牛味十分
不愧係安格斯～！
關東煮：
准山魚卷 $12、野菜油豆腐$16、椰菜卷$16、雞胸軟骨丸$15
日本既小食又點少得關東煮呢～
好多時係香港食到既關東煮都融合左香港既特色…唔夠日本
但店家既關東煮完全完美重現日本既風味！～
個湯底清得來 飲來口有滿滿魚既鮮甜味
我地就最鐘意椰菜卷同埋雞胸軟骨丸
椰菜包住肉團 咬落口唔單止係滿滿既湯汁
仲有肉汁～！
雞胸軟骨丸口感十分得意～
肉球入面有點脆脆既軟骨 好正！
軟殼蟹水菜卷 $68
軟殼蟹炸得十分香脆加埋蟹籽、生菜
咬落去卜卜脆得來
又有蟹籽既鮮甜味～超好食
味噌煮大根豬軟骨 $56
依道菜完全令我諗番起去日本旅行
去居酒屋既菜式
味噌既咸香味 完全深入大根豬軟骨入面
大根咬落去有濃郁既味噌
同時豬軟骨又軟腍～
安格斯牛肉鍋烏冬 $78
壽喜燒湯底同牛肉、烏冬係相當之夾
再加埋用鐵鍋煮完
相當入味～正！
張貼
