Marco's Oyster Bar & Grill (已搬遷) 新店位置

同女朋友慶祝週年紀念，就去左呢間意大利餐食下好野。 叫左一份精選2人晚餐，有生蠔(共8隻)、有沙律、有湯、有兩個main dish、有甜品和飲品，性價比好高。由於係週年紀念，我地叫多左兩杯白酒同升級左部分生蠔做法國生蠔。法國生蠔比較鮮甜，原本跟餐生蠔就略微重左少少海水味，整體黎講幾好食。龍蝦湯唔錯兩杯白酒+兩份沙律，煙三文魚沙律好過水牛芝士，水牛芝士味道較淡Main dish 點左肉眼扒同龍蝦，肉眼扒好大份，相比下龍蝦就細份少少(只係肉眼扒太大份)。  肉眼扒叫左7成熟，因為我地都唔鐘意食太生。肉味好濃，但真係太大份。龍蝦兩三下就食完，味道總算唔錯。紐約芝士蛋糕好軟滑，甜度適中，心太軟口感岩岩好。呢個餐計落性價比幾高，會可以再食。