味道樂居酒屋 (河內道) (已結業)

星期一晚去到尖沙咀味道樂食飯全場爆滿，全場氣氛高脹，有好多熟客光顧，高聲談天說地！先來的牛肉壽喜燒好有誠意，連埋個鍋一齊上，可以慢慢煮熟d牛肉，仲可以保持熱辣辣，份量好足料仲好高質，我地叫左碗黑松露和牛炒飯配埋一齊食就剛剛好！脆炸軟殼蟹反卷賣相好靚，有好多蟹籽，軟殼蟹又夠香脆，原條穴子火炙壽司好美味，鍾意甜甜地既鰻魚汁！最後先來的燒油甘魚餃，真係好有驚喜！因為好大件，面層燒到好香脆，內裡又可以保持到好滑既魚肉，仲有好香既油香味！強烈推薦！