小瑪哥米線

營業中

休息中

環境4分：响電車站隔離，位置非常方便。卡位好坐，夠寬敞，光猛又唔嘈，可以畀四分。衛生5分：有紙巾同搓手液，自助區有飲用水自己斟，不經人手，地方乾淨衛生，畀五分。服務 5分：用QR Code點餐，非常方便，服務員快手快腳唔囉唆，態度十分之好，服務滿分。味道5分：1)    跟餐菊花蜜好甜好潤，加三蚊非常抵飲。2)    豬骨清雞湯米線要左四個餸，分別係魚豆腐，雞翼，菜同冬菇。雞翼好腍，魚豆腐好鬆，唐生菜好爽好新鮮，冬菇就好軟熟，米線夠滑。3)     氣鍋雞好足料，雞湯好濃，入面有幾舊雞，連埋Ｄ雞肶菇好入味，好味到幾啖就清曬。4)     紅油水餃一客半打，皮薄餡靚，唔辣但惹味。5)     金奬涼白肉都係一客半打，肥瘦分明，爽口唔嚡好味道。抵食5分：百零蚊一個人有足料雞湯同四餸米線加兩個小食，仲連杯熱飲，非常抵，五分。