Paper Stone Bakery (已結業)

每次行過Paper Stone Bakery，見到佢個蛋糕櫃，入面琳瑯滿目嘅蛋糕同埋西餅，真係好吸引💗今次見到佢最近推出咗一系列嘅水果丹麥酥甜品 ，上面全部堆滿水果，賣相好吸睛🥰而且每件$32-38 only，好抵食。口味有好多，我就揀咗～🔶芒果丹麥酥🔶無花果雜莓丹麥酥 🔶炙燒菠蘿丹麥酥 🔶奇異果丹麥酥 其中我就最鍾意芒果丹麥酥，芒果夠晒香甜，配埋香濃軟滑嘅忌廉吉士醬，同埋底層大大塊丹麥酥，丹麥酥入口酥脆，仲有半邊係沾上咗朱古力醬，味道更豐富。而炙燒菠蘿丹麥酥賣相又幾特別，都好鍾意，菠蘿炙燒過後更加香甜。而我平時都好鍾意喺度買麵包，覺得選擇多，而且有好多好獨特嘅口味。今次就揀咗紅菜頭小紅莓海鹽法包同埋多穀海鹽法包（$15/個）前者有紅菜頭嘅紅色，又有微甜嘅小紅莓乾👍🏼口感豐富。而後者加咗好多多穀子，纖維又高咗，好味又健康。