影片
更多
2023-04-14
32 瀏覽
呢間Cafe個名已經好特別好搞笑，但佢裝修一啲唔馬虎！唔好睇佢小店舖頭細細，原來有兩層高，平日夜晚嚟都坐滿晒人㗎！室內裝修以灰白色水泥風為主調，仲有少少榻榻米位置🎎，又帶少少波希米亞風，少女心爆發，頗具心思！食物方面都幾吸引而且特別，唔會一式一樣都係嗰啲普通嘅Cafe嘢，主食同甜品都各有特色，而且飲品款式好多，每款都想試吓～🤩------------------------------🦀◖刺身帶子三文魚籽明太籽貓耳朵◗ $158本身佢係手捲粉，但係咁啱冇晒貨，店家改咗做貓耳朵嚟取代手捲粉。貓耳朵煮得啱啱好，好有咬口，食落帶有韌勁！個醬汁底係香辣明太子醬，夾雜左啲三文魚籽，少少辣而且仲有粒粒魚子嘅咬口，均勻包裹住每粒貓耳朵，食落口感好正，又惹味！佢一碟仲有三粒大帶子同埋啲蟹肉，仲有一大舊蟹膏，勁足料，鮮味十足好鮮甜！🧀◖瘋狂芝士．野菌．大啡菇．多士◗ $88佢嘅多士同我想像中有啲出入，本身以為係一大片多士上面整到好似Pizza咁～原來佢係將啲芝士熱溶左喺個鍋度，同啲大啡菇同野菌混合煮埋一齊，再擺多士薄片。成碟嘅芝士同埋野菌味道超香濃，先將啲芝士拉絲搽落個多士片到，再一啖擺入口，芝士嘅奶香
------------------------------
🦀◖刺身帶子三文魚籽明太籽貓耳朵◗ $158
本身佢係手捲粉，但係咁啱冇晒貨，店家改咗做貓耳朵嚟取代手捲粉。貓耳朵煮得啱啱好，好有咬口，食落帶有韌勁！個醬汁底係香辣明太子醬，夾雜左啲三文魚籽，少少辣而且仲有粒粒魚子嘅咬口，均勻包裹住每粒貓耳朵，食落口感好正，又惹味！佢一碟仲有三粒大帶子同埋啲蟹肉，仲有一大舊蟹膏，勁足料，鮮味十足好鮮甜！
🧀◖瘋狂芝士．野菌．大啡菇．多士◗ $88
佢嘅多士同我想像中有啲出入，本身以為係一大片多士上面整到好似Pizza咁～原來佢係將啲芝士熱溶左喺個鍋度，同啲大啡菇同野菌混合煮埋一齊，再擺多士薄片。成碟嘅芝士同埋野菌味道超香濃，先將啲芝士拉絲搽落個多士片到，再一啖擺入口，芝士嘅奶香同菇嘅味道好夾，大啡菇仲要好Juicy，好滿足！不過略嫌佢嘅多士薄片唔夠脆呢，變咗普通包～
☕️◖黑芝麻鮮奶◗ $48
烏卒卒嘅黑芝麻鮮奶加上拉花，真係好靚！飲落去奶泡口感都幾濃厚，味道微甜，但略嫌黑芝麻香味唔夠濃郁，奶味會比較出～
🍹◖抹茶菠蘿梳打◗ $46
平時抹茶鮮奶飲得多，抹茶嘅梳打真係少啲飲～抹茶同菠蘿都係比較重味道嘅嘢，溝埋一齊抹茶嘅味道就好似消失咗，味道反而同普通嘅菠蘿梳打差唔多～🙈
🌟 Encore指數：8.5/10
張貼
